உங்கள் மாவட்டத்தைத் தேர்வுசெய்க

    Nitin Gadkari: گڈکری کا وزن میں کمی کاچیلنج! اجین  رکن پارلیمنٹ نے کیا یہ انوکھا اقدام

    مرکزی وزیر نتن گڈکری (Nitin Gadkari)

    مرکزی وزیر نتن گڈکری (Nitin Gadkari)

    وزن کم کرنے کا چیلنج اس سال فروری میں اس وقت شروع ہوا جب گڈکری نے اجین میں ایک تقریب سے خطاب کرتے ہوئے فنڈز فار فلیب (funds for flab) کا وعدہ کیا جس میں چند پروجیکٹوں کا سنگ بنیاد رکھا گیا تھا۔

    • Share this:
      مرکزی وزیر نتن گڈکری (Nitin Gadkari) کے اس وعدے سے حوصلہ افزائی کرتے ہوئے کہ ان کی وزارت مدھیہ پردیش کے اجین لوک سبھا کے رکن پارلیمنٹ انیل فیروجیا کے ذریعہ اپنے حلقہ انتخاب میں ترقیاتی کاموں کے لئے 1,000 کروڑ روپے فی کلو گرام وزن کم کرے گی، مؤخر الذکر نے دعویٰ کیا ہے کہ اب وہ 15,000 کروڑ روپے کے فنڈ کے لیے 15 کلوگرام وزن کم کرنے کے حقدار ہیں۔

      وزن کم کرنے کا چیلنج اس سال فروری میں اس وقت شروع ہوا جب گڈکری نے اجین میں ایک تقریب سے خطاب کرتے ہوئے فنڈز فار فلیب (funds for flab) کا وعدہ کیا جس میں چند پروجیکٹوں کا سنگ بنیاد رکھا گیا تھا۔

      پہلی بار ایم پی بننے والی فیروزیہ نے ہفتہ کو پی ٹی آئی کو بتایا کہ فروری میں ان کا وزن 127 کلو گرام تھا۔ فیروزیہ نے کہا کہ گڈکری نے یہ اعلان فروری میں مجھے فٹ ہونے کی ترغیب دینے کے لیے کیا تھا۔ انہوں نے کہا تھا کہ وہ ترقیاتی کاموں کے لیے 1,000 کروڑ روپے مختص کریں گے جو فی کلو وزن میں نے کم کیا ہے۔ میں نے ان کا حکم قبول کیا اور پچھلے چار مہینوں میں 15 کلو گرام وزن کم کیا ہے۔

      لوک سبھا رکن پارلیمنٹ انیل فیروجیا نے زور دے کر کہا کہ میں ایک فٹنس رجیم کو اپنا رہا ہوں۔ جس میں ڈائیٹ پلان پر عمل کرنا اور جسمانی ورزش، سائیکلنگ اور یوگا شامل ہیں۔ پہلے میں 127 کلوگرام تھا، اب میں اپنے حلقے میں ترقیاتی کاموں کے لیے 15,000 کروڑ روپے مانگنے کا حقدار ہوں۔ جیسا کہ میں نے 15 کلوگرام وزن کم کیا ہے۔

      مزید پڑھیں: UP Violence: نماز جمعہ کے بعد ہوئے تشدد کے معاملہ میں اب تک 255 گرفتار، جانئے کیا ہے یوگی کا حکم؟

      انہوں نے کہا کہ وہ وزن کم کرنا جاری رکھیں گے تاکہ ان کے لوک سبھا علاقے کو ترقی کے لیے زیادہ فنڈ مل سکے۔

      یہ بھی پڑھئے: Saharanpur Violence: پولیس نے 64 افراد کو کیا گرفتار، دو کے گھر پر چلا بلڈوزر

      اتفاق سے فروری میں اپنی تقریر کے دوران گڈکری نے اپنے وزن میں کمی کے سفر کے بارے میں بھی بات کی تھی اور امید ظاہر کی تھی کہ اس سے فیروزیہ کو حوصلہ ملے گا۔
      Published by:Mohammad Rahman Pasha
      First published: