உங்கள் மாவட்டத்தைத் தேர்வுசெய்க

    دہلی: خود کشی کرنے والی ایئرہوسٹس کےشوہرمینک سنگھوی کو 14 دن کی عدالتی حراست

    ایئر ہوسٹس انیشیا بترا: فائل فوٹو

    ایئر ہوسٹس انیشیا بترا: فائل فوٹو

    ایئرہوسٹس کی مشکوک حالت میں ہوئی موت معاملے میں ایئرہوسٹس کے شوہرمینک سنگھوی کو 14 دن کی عدالتی حراست میں بھیجا گیا ہے۔

    • Share this:
      نئی دہلی: دہلی کے حوض خاص علاقے میں ایئرہوسٹس کی مشکوک حالت میں ہوئی موت معاملے میں ایئرہوسٹس کے شوہرمینک سنگھوی کو 14 دن کی عدالتی حراست میں بھیجا گیا ہے۔ مینک سنگھوی کا کہنا تھا کہ ایئرہوسٹس انیشیا بترا نے چھت سے کود کرخودکشی کرلی ہے۔ فی الحال مینک سے پوچھ گچھ کی جائے گی۔

      واضح رہے کہ دہلی کے حوض خاص علاقے میں ایک 39 سالہ ایئرہوسٹس کی مشکوک حالت میں موت ہوگئی۔ ہلاک ہونے والی ایئرہوسٹس کا نام انیشیا بترا تھا، جوکہ لفتہنسا ایئرلائنس میں کام کرتی تھی۔ اس کی لاش اس کے گھرکے باہرملی ہے۔ دیکھنے سے لگ رہا ہے کہ اس کی موت چھت سے گرکرہوئی ہے۔

      انیشیا کے شوہرمینک سنگھوی کے مطابق ایئرہوسٹس نے چھت سے کود کرخودکشی کرلی ہے۔ حالانکہ انیشیا کے بھائی کرن بترا کو شک ہے کہ ان کی بہن کا قتل کیا گیا ہے۔ کرن نے اپنے بہنوئی پرالزام لگایا ہے کہ وہ مہلوکہ کو پریشان کرتا تھا اوراسے گھرمیں بند کرکے رکھتا تھا۔

      وہیں مینک نے پولیس کو بتایا کہ انیشیا بترا نے جمعہ شام تقریباً ساڑھے چاربجے اسے میسیج کیا کہ وہ ایک بڑا قدم اٹھانے جارہی ہے۔ اس وقت وہ گھرپرہی تھا۔ میسیج ملتے ہی وہ بھاگ کر چھت پرپہنچا، لیکن وہ چھت پرنہیں ملی۔

      شدید طورپرزخمی انیشیا کواسپتال لے جایا گیا، جہاں اس کی موت ہوگئی۔ پولیس نے اس معاملے میں آئی پی سی کی دفعہ 304 بی کے تحت معاملہ درج کیا ہے۔ پولیس معاملے کی تفتیش کررہی ہے۔
      First published: