امیت شاہ نے کہا، سی بی آئی-ای ڈی شفاف طریقے سے کررہی ہیں کام، جانچ کیے جارہے ہیں زیادہ تر کیسیز یوپی اے دورمیں درج ہوئے

مرکزی وزیر داخلہ امیت شاہ نے زور دے کر کہا کہ مرکزی جانچ بیورو (سی بی آئی ) اور انفورسمنٹ ڈائریکٹوریٹ (ای ڈی) جیسی ایجنسیاں شفاف اور غیر جانبدارانہ کام کررہی ہیں اور صرف دو کو چھوڑ کر زیادہ تر جانچ کیے جارہے ہیں کیسیز سابقہ یو پی اے دور حکومت کے دوران درج کیے گئے تھے۔ شاہ نے نئی دہلی میں منعقدہ ایک میڈیا ادارے کے پروگرام میں کہا کہ جانچ ایجنسیاں جو بھی کررہی ہیں، اسے عدالتوں میں چیلنج کیا جاسکتا ہے۔

انہوں نے کہا، سال 2017 میں ہوئے اترپردیش اسمبلی الیکشن کے دوران کانگریس کی ایک بڑی خاتون لیڈر نے کہا تھا کہ اگر وہ بدعنوانی میں ملوث ہیں، تو کوئی جانچ کیوں نہیں ہوئی۔ وہ ہم سے سوال کر رہی تھیں، اب جب کارروائی کی جارہی ہے تو وہ ہنگامہ کررہے ہیںَ مرکزی وزیر داخلہ نے کہا کہ یہ جانچ ایجنسیاں قانون سے بالاتر نہیں ہیں اور کسی بھی نوٹس، ایف آئی آور چارج شیٹ کو عدالتوں میں چیلنج کیا جاسکتا ہے۔

انہوں نے کہا، عدالت جانے کے بجائے وہ کیوں باہر چلا رہے ہیں۔ میں عوام سے پوچھنا چاہتا ہوں کہ اگر کسی کے خلاف کوئی کرپشن کے الزام لگے ہیں، تو کیا اس کی جانچ نہیں ہونی چاہیے۔ صرد و کو چھوڑ کر یہ سبھی کیسیز ان کے دور اقتدار میں ہی درج کیے گئے تھے نہ کہ ہماری حکومت کے دوران۔

یہ بھی پڑھیں:

کیا ’دختر تلنگانہ‘ کے کویتا کو کیا جائے گا جلد گرفتار؟ بی آر ایس یا بی جے پی، کسی ملےگی..؟

یہ بھی پڑھیں:

BJPصدر رویندر رینہ نے الیکشن کمیشن سے ملاقات میں اپوزیشن پارٹیوں کو بنایا تنقید کا نشانہ

شاہ نے کہا کہ جب کانگریس قیادت والی یو پی اے حکومت کے 10 سال کے اقتدار کے دوران 12 لاکھ کروڑ روپے کے گھوٹالے کے الزام لگے تھے، تب حکومت نے حالات کو کنٹرول کرنے کے لیے سی بی آئی کے ذریعے کیس درج کیا تھا۔ انہوں نے کہا کہ اگر کوئی منی لانڈرنگ کا کیس ہے، تو ای ڈ ی اس کی جانچ کرنے کے لیے پابند عہد ہے۔