امیش پال قتل کیس کے ایک اور ملزم کا انکاؤنٹر میں ہلاک، متاثرین کو انصاف ملنے کی توقع

پیر 6 مارچ 2023 کی صبح پریاگ راج پولیس کی ٹیم کے ذریعہ امیش پال قتل کیس (Umesh Pal murder case) کا ایک ملزم انکاؤنٹر میں مارا گیا۔ یہ انکاؤنٹر پریاگ راج کے کاندھیارہ پولیس اسٹیشن علاقے کے تحت ہوا جو ٹرانس یمنا علاقے میں واقع ہے۔ 27 سال کا ملزم وجے چودھری عرف عثمان عرف نان بابو کوندھیارہ کے اموکھر گاؤں کا رہنے والا تھا۔

ایس آر این پولیس چوکی کے انچارج سنجے گپتا نے بتایا کہ چودھری کو فوری طور پر سوروپ رانی نہرو اسپتال لے جایا گیا جہاں ڈاکٹروں نے اسے مردہ قرار دیا۔

ایس آر این اسپتال میں ایمرجنسی میڈیکل آفیسر ڈاکٹر بدری وشال سنگھ نے کہا کہ مریض عثمان کو مردہ لایا گیا۔ ہم نے معائنہ کیا جس کے بعد اسے باضابطہ مردہ قرار دے دیا گیا اور لاش مردہ خانے بھیج دی گئی۔ اسے گولی مار دی گئی تھی۔ انکاؤنٹر پر ردعمل ظاہر کرتے ہوئے بی جے پی ایم ایل اے شلبھ منی ترپاٹھی نے کہا کہ کیا ہم نے یہ نہیں کہا تھا کہ ہم انہیں (مافیا گٹھ جوڑ) کو تباہ کر دیں گے!! عثمان ایک خوفناک قاتل تھا، جس نے امیش پال اور سندیپ نشاد پر پہلی گولی چلائی تھی، وہ اس میں مارا گیا تھا۔

اس سے پہلے 24 فروری کو ایڈوکیٹ امیش پال کو پریاگ راج کے سلیم سرائے علاقے میں ان کی رہائش گاہ کے باہر قتل کر دیا گیا تھا۔ ان کے دو پولیس سیکورٹی گارڈز بھی زخمی ہوئے۔ ان میں سے ایک کانسٹیبل سندیپ نشاد کی اسی دن بعد میں موت ہوگئی جبکہ دوسرے محافظ راگھویندر سنگھ نے یکم مارچ کو ایس جی پی جی آئی ایم ایس لکھنؤ میں زخموں کی تاب نہ لاتے ہوئے دم توڑ دیا۔ امیش پال 2005 میں پریاگ راج میں بی ایس پی کے ایم ایل اے راجو پال کے قتل کا ایک اہم گواہ تھا جس میں مافیو سے سیاست دان بنے عتیق احمد، اس کے بھائی اور سابق ایم ایل اے خالد عظیم عرف اشرف کے علاوہ کئی قریبی ساتھی بھی اہم ملزم ہیں۔

یہ بھی پڑھیں: 

• ہائی ویز اور ایکسپریس ویزپر ٹول ٹیکس 1 اپریل سے 10 فیصدتک ہوجائےگامہنگا، یہ ہےمکمل تفصیلات


• کانگریس نے جموں و کشمیر میں ایک ماہ تک جاری رہنے والی مہم کا کیا آغاز، کیاہیں مقاصد؟


• تریپورہ کا اگلا وزیراعلی کون؟ بی جے پی ممبران اسمبلی میں اختلاف رائے


• بنگلورو : نیند میں ہوئی خاتون کی موت، 11 سال کا بیٹا دو دنوں تک سوچتا رہا سو رہی ہے ماں


• منیش سسودیا کو ہراساں کررہی سی بی آئی، جھوٹے دستاویز پر دستخط چاہتی ہے: اے اے پی

پریاگ راج پولیس نے امیش پال کے قتل کے 72 گھنٹے کے اندر ایک اور ملزم محمد ارباز کو بھی گولی مار کر ہلاک کر دیا تھا۔ 22 سالہ ارباز پڑوسی ضلع کوشامبی کے پورمفتی علاقے کے سلہ پور گاؤں کا رہنے والا تھا۔

گورکھپور کے ایم پی روی کشن نے ٹویٹ کیا کہ پوجیا مہاراج جی نے کہا تھا کہ وہ (مافیا گٹھ جوڑ) کو تباہ کر دیا جائے گا۔ خوفناک مفرور قاتل عثمان نے اومیش پال اور سندیپ نشاد پر پہلی گولی چلائی تھی، وہ بھی بھی انکاؤنٹر میں مارا گیا تھا۔