ہوم » نیوز » شمالی ہندوستان

آرٹ آف لیونگ کو راحت ، جرمانہ کی رقم ادا کرنے کیلئے ملی 3 ہفتے کی مہلت

نئی دہلی : آرٹ آف لیونگ نے نیشنل گرین ٹربیونل سے جرمانہ کی رقم ادا کرنے کیلئے مزید وقت مانگا ہے ۔ آرٹ آف لیونگ کا کہنا ہے کہ اتنی کم مدت میں وہ اتنی بڑی رقم کا بندوبست نہیں کرپائے گی ، اس لئے اس کو مزید وقت دیا جائے اور پروگرام کو شروع کرنے کی اجازت دی جائے ۔ آرٹ آف لیونگ کی عرضی پر این جی ٹی سماعت کرنے کیلئے تیار ہوگیا ہے۔

  • Pradesh18
  • Last Updated: Mar 11, 2016 02:30 PM IST
  • Share this:
  • author image
    NEWS18-Urdu
آرٹ آف لیونگ کو راحت ، جرمانہ کی رقم ادا کرنے کیلئے ملی 3 ہفتے کی مہلت
نئی دہلی : آرٹ آف لیونگ نے نیشنل گرین ٹربیونل سے جرمانہ کی رقم ادا کرنے کیلئے مزید وقت مانگا ہے ۔ آرٹ آف لیونگ کا کہنا ہے کہ اتنی کم مدت میں وہ اتنی بڑی رقم کا بندوبست نہیں کرپائے گی ، اس لئے اس کو مزید وقت دیا جائے اور پروگرام کو شروع کرنے کی اجازت دی جائے ۔ آرٹ آف لیونگ کی عرضی پر این جی ٹی سماعت کرنے کیلئے تیار ہوگیا ہے۔

نئی دہلی : نیشنل گرین ٹربیونل نے آرٹ آف لیونگ کو پانچ کروڑ جرمانہ کی رقم ادا کرنے کیلئے 3 ہفتوں کی مہلت دیدی ہے ۔ آرٹ آف لیونگ کو فوری طو پر 25 لاکھ روپے جمع کرنے ہوں گے جبکہ باقی 4.75 کروڑ کی رقم اس کو تین ہفتوں میں جمع کرنی ہوگی ۔ اس سے قبل آرٹ آف لیونگ نے این جی ٹی سے کہا تھا کہ اتنی کم مدت میں وہ اتنی بڑی رقم کا بندوبست نہیں کرپائے گی ، اس لئے اس کو مزید وقت دیا جائے اور پروگرام کو شروع کرنے کی اجازت دی جائے ۔عرضی پر سماعت کرتے ہوئے این جی ٹی نے آرٹ آف لیونگ کو 3 ہفتوں کی مہلت دیدی۔

خیال رہے کہ جمنا میں آلودگی کی وجہ سے گزشتہ روز این جی ٹی نے آرٹ آف لیونگ پر پانچ کروڑ کا جرمانہ عائد کیا تھا ور کہا کہ جمعرات کو 4 بجے شام تک اسے ہر حال میں جمع کرانا ہوگا ۔ تاہم بعد میں اس نے آرٹ آف لیونگ کو ایک دن کی مہلت دی تھی اور کہا تھا کہ وہ جمعہ تک جرمانہ کی رقم ڈی ڈی اے کے پاس جمع کرادے ۔ علاوہ ازیں این جی ٹی نے ڈی ڈی اے اور آلودگی کنٹرول بورڈ پر بھی جرمانہ عاید کیا تھا۔

ورلڈ کلچر فیسٹیول کیلئے آرٹ آف لیونگ پر عائد کئے گئے جرمانہ کے معاملے کی جمعہ کو پھر سماعت ہوئی۔ اس دوران این جی ٹی نے جرمانہ نہیں دینے سے متعلق شری شری روی شنکر کے بیان پر حیرانی کا اظہار کیا۔ سماعت کے دوران این جی تی نے اے او ایل سے پوچھا کہ میڈیا میں آئی خبروں کے مطابق کیا آپ کی طرف سے ایسا بیان آیا تھا کہ ہم جرمانہ نہیں دیں گے، ہم جیل جانے کو تیار ہیں۔

این جی ٹی نے کہا کہ شری شری روی شنکر کا جرمانے پر جو بیان میڈیا کی طرف سے اس کے سامنے آیا ہے، اس کی ہمیں امید نہیں تھی۔ شری شری کا قد کافی بلند ہے۔ اس پر اے او ایل کا کہنا تھا کہ ہم نے کہا ضرور تھا، لیکن اس کا مطلب دوسرا تھا۔

این جی ٹی نے اے او ایل سے پوچھ کہ کیا آپ جرمانہ دیں گے، اس پر اے او ایل کا کہنا تھا کہ ہم عدالت کے حکم کے پابند ہیں۔ آرٹ آف لیونگ نے این جی ٹی کو بتایا ہے کہ اس کا ادارہ قانون کے مطابق ایک ٹرسٹ ہے۔

ساتھ ہی این جی ٹی نے اے او ایل سے پوچھا کہ ہمارے حکم کے مطابق کیا اے او ایل کو دہلی آلودگی کنٹرول کمیٹی یا مرکزی آلودگی کنٹرول ایجنسی کی ہدایت موصول ہوئی ہے ۔ یہ بھی پوچھا کہ کیا آپ کو منسٹری آف کلچر سے 2.5 کروڑ ملے ہیں یا نہیں۔ اس پر اے او ایل نے کہا کہ ہم معلوم کرتے ہیں۔
دریں اثنا مرکزی وزیر سیاحت مہیش شرما  نے کہا ہے کہ اس معاملہ پر سیاست کی جارہی ہے ۔ ایسے ثقافتی پروگرام منعقد کئے جانے چاہئیں ۔ شرما کے مطابق ہندوستان کی ثقافت ہماری مضبوطی اور شناخت ہے۔ جہاں تک ماحولیات کا سوال ہے ، اس کو لے تشویش کا اظہار کیا جانا صحیح ہے ۔ ہم بھی ان کی حمایت کرتے ہیں ، مگر یہ ہماری تہذیب و ثقافت کا سوال ہے اور اس کو بھی فروغ دیا جانا چاہئے۔

First published: Mar 11, 2016 12:58 PM IST
corona virus btn
corona virus btn
Loading