جنوبی افریقہ میں سیلاب، چرچ کے اجتماع میں شامل افراد بہہ گئے، کم از کم 9 افراد ہلاک، 8 افراد لاپتہ

ریسکیو حکام نے اتوار کے روز بتایا کہ جنوبی افریقہ میں جوہانسبرگ میں دریائے جوکسکی (Jukskei River) کے کنارے ایک چرچ کے اجتماع کے دوران سیلاب کی وجہ سے کئی افراد بہا گئے، اس دوران کم از کم نو افراد ہلاک اور آٹھ دیگر افراد لاپتہ ہو گئے ہیں۔ حکام نے بتایا کہ ہلاک اور لاپتہ سبھی اس جماعت کا حصہ تھے، جو ہفتے کے روز دریا کے کنارے مذہبی رسومات ادا کر رہی تھی۔

ریسکیو کارکنوں نے اس دن دو متاثرین کی لاشیں ملنے کی اطلاع دی اور جب اتوار کی صبح تلاش اور بحالی کا مشن دوبارہ شروع ہوا تو مزید سات لاشیں ملی۔ راحت کاری کی ٹیمیں لوگوں کی مدد کررہی ہیں اور ان سے تفصیلات حاصل کررہی ہے۔ میڈیا رپورٹس کے مطابق مذہبی گروہ اکثر دریائے جوکسکی کے کنارے جمع ہوتے ہیں، جو جوہانسبرگ کے مشرق میں الیگزینڈرا (Alexandra) جیسی ماضی کی بستیوں سے گزرتا ہے۔

یہ بھی پڑھیں: 

• جیت کی لالچ میں پاکستان کے خلاف انگلینڈ کے کپتان نے اٹھایا بڑا خطرہ


• دوسال بعد ممبئی میں ماہم کے میلے کا ہوگا آغاز، ممبئی پولیس نے مکمل کی تمام تر تیاریاں


• ٹیم انڈیا کے خلاف 5 وکٹیں لے کر شکیب الحسن نے پاکستان کے اس لیجنڈ گیند باز کو چھوڑا پیچھے


• گاندھی نگر میں ماں ہیرا بین سے ملنے پہنچے وزیر اعظم مودی، پاوں چھوکر لیا آشیرواد


• انگلینڈ نے پاکستان کے گیند بازوں کی ایسی کی پٹائی کہ بن گیا یہ بڑا ریکارڈ

جوہانسبرگ ایمرجنسی سروسز کے ترجمان رابرٹ مولودزی نے کہا کہ ہمارے تمام رہائشی خاص طور پر وہ رہائشی جو اس قسم کی رسومات پر عمل کرتے ہیں، ان ندی نالوں میں جانے سے گریز کریں۔ انہوں نے مزید کہا کہ ہمارا پیغام یہ ہے کہ جب وہ ان رسومات کو انجام دیتے ہیں تو احتیاط برتیں۔

مولودزی نے اتوار کو کہا کہ حکام نے رہائشیوں کو دریا کے کنارے رسومات کے انعقاد کے خطرات کے بارے میں خبردار کیا ہے۔ ہم گزشتہ تین مہینوں سے جوہانسبرگ شہر میں بہت زیادہ بارش کی پیش قیاسی کرچکے ہیں اور اب زیادہ تر ندی نالے بھر چکے ہیں۔