உங்கள் மாவட்டத்தைத் தேர்வுசெய்க

    پلوامہ میں دہشت گردوں کے حملہ میں سی آر پی ایف اہلکار زخمی ، تلاشی مہم تیز

    file photo

    file photo

    جنوبی کشمیر کے ضلع پلوامہ میں جنگجوؤں کی جانب سے سینٹرل ریزرو پولیس فورس اور جموں وکشمیر پولیس کے مشترکہ کیمپ پر کئے گئے حملے میں ایک سی آر پی ایف اہلکار زخمی ہوگیا ہے

    • UNI
    • Last Updated :
    • Share this:
      سری نگر: جنوبی کشمیر کے ضلع پلوامہ میں جنگجوؤں کی جانب سے سینٹرل ریزرو پولیس فورس اور جموں وکشمیر پولیس کے مشترکہ کیمپ پر کئے گئے حملے میں ایک سی آر پی ایف اہلکار زخمی ہوگیا ہے۔ سی آر پی ایف کے ایک ترجمان نے بتایا کہ جنگجوؤں نے گذشتہ رات قریب ساڑھے دس بجے پلوامہ کے آری پل ترال میں واقع سی آر پی ایف و ریاستی پولیس کے مشترکہ کیمپ پر یو بی جی ایل داغا۔
      انہوں نے بتایا کہ یو بی جی ایل کے ذریعے کئے گئے اس حملے میں سی آر پی ایف کا ایک اہلکار زخمی ہوگیا ہے۔ ترجمان نے بتایا کہ حملے کے مرتکب دہشت گردوں کی تلاش شروع کردی گئی ہے۔ ذرائع نے بتایا کہ زخمی سی آر پی ایف اہلکار کی حالت خطرے سے باہر ہے۔ جنگجوؤں کی جانب سے یہ حملہ اس وقت کیا گیا جب قصبہ ترال میں حزب المجاہدین کمانڈر برہان مظفر وانی کی پہلی برسی کے پیش نظر سخت ترین کرفیو نافذ تھا۔
      First published: