உங்கள் மாவட்டத்தைத் தேர்வுசெய்க

    ’بھارت جوڑو یاترا‘ گیارہویں دن میں داخل، کرناٹک میں پارٹی ٹکٹ کے سلسلے میں لڑائی!

    راہول گاندھی (Rahul Gandhi) کی قیادت میں کانگریس کی بھارت جوڑو یاترا  (تصویر راہو گاندھی ٹوئٹر)

    راہول گاندھی (Rahul Gandhi) کی قیادت میں کانگریس کی بھارت جوڑو یاترا (تصویر راہو گاندھی ٹوئٹر)

    کانگریس پارٹی کا 3,570 کلومیٹر اور 150 دن طویل پیدل مارچ 7 ستمبر کو کنیا کماری سے شروع ہوا اور جموں و کشمیر میں اختتام پذیر ہوگا۔ بھارت جوڈو یاترا 10 ستمبر کی شام کو کیرالہ میں داخل ہوئی۔ یہاں ریاست بھر 450 کلومیٹر کا فاصلہ طے کیا جائے گا۔

    • News18 Urdu
    • Last Updated :
    • Delhi | Gujarat | Jammu | Hyderabad | Karnataka
    • Share this:
      راہول گاندھی (Rahul Gandhi) کی قیادت میں کانگریس کی بھارت جوڑو یاترا (Bharat Jodo Yatra) 11 ویں دن میں داخل ہو گئی جس میں سینکڑوں پارٹی کارکنوں اور لیڈروں کے علاوہ عوام بھی شامل ہیں۔ کیرالہ کے بعد پڑوسی ریاست کرناٹک میں پہنچنے والی یاترا میں اختلافات ظاہر کیے جارہے ہیں۔ جہاں جلد ہی انتخابات ہونے والے ہیں۔ کے پی سی سی کے صدر ڈی کے شیوکمار نے نام لئے بغیر کہا کہ جو لیڈر سخت محنت نہیں کرتے ہیں انہیں اگلے اسمبلی انتخابات کے لئے ٹکٹ نہیں دیا جائے گا۔

      اس طرح کے تبصروں نے فوری طور پر کانگریس لیڈر دنیش گنڈو راؤ کے ساتھ پارٹی میں لڑائی شروع کردی اور ڈی کے شیوکمار پر جوابی حملہ کیا۔ اس پر گنڈو راؤ نے کہا کہ ڈی کے شیوکمار اس طرح کا کوئی بھی فیصلہ کرنے والا نہیں ہے۔ ٹکٹوں کی تقسیم کا فیصلہ کرنے کے لیے مختلف اعلیٰ لیڈران اور کمیٹیاں ہیں۔ اتوار کو یاترا صبح 6.30 بجے کے فوراً بعد شروع ہوئی اور سینئر لیڈران بشمول رمیش چنیتھلا، کے مرلیدھرن، کوڈی کنل سریش، کے سی وینوگوپال اور قائد حزب اختلاف وی ڈی ستیسان ان سرکردہ لیڈروں میں شامل تھے جنہیں راہل گاندھی کے ساتھ 13 کلومیٹر طویل پہلے سفر میں دیکھا گیا۔ آج یاترا کا 11 ویں دن ہے۔

      شیڈول کے مطابق یاترا شام 5 بجے پورکڈ سے دوبارہ شروع ہوگی جو کرووٹہ سے 6.5 کلومیٹر دور ہے۔ راہول گاندھی دیگر ارکان کے ساتھ گاڑی سے اس فاصلے کا سفر کریں گے۔ شام کا سیشن ٹی ڈی میڈیکل کالج ہسپتال وندنم کے قریب شام 7 بجے ختم ہونا ہے۔ 11 ویں دن یاترا شام کے وقت 7.5 کلومیٹر کا فاصلہ طے کرے گی۔ یاترا کے ارکان کارمل کالج آف انجینئرنگ اینڈ ٹیکنالوجی پنپرا میں رکیں گے جو 3.4 کلومیٹر دور ہے۔ کانگریس کے سینئر لیڈر جے رام رمیش نے ٹویٹ کیا کہ گاندھی صبح کے وقفے کے دوران کٹناڈ کے کسانوں سے ملاقات کریں گے۔

      یاترا کے دوران گاندھی کو سڑک کے دونوں طرف انتظار کر رہے لوگوں سے ملنے کے لیے درمیان میں حفاظتی حصار توڑتے ہوئے دیکھا گیا۔ ایک گھنٹے سے زیادہ چلنے کے بعد انھوں نے راستے میں ایک مقامی ہوٹل میں چائے پینے کے لیے وقفہ لیا۔ پی ٹی آئی کی خبر کے مطابق کانگریس پارٹی نے کہا کہ یاترا کا صبح کا سیشن اوٹاپنا پہنچنے کے بعد اختتام پذیر ہو جائے گا اور قریب ہی کروواٹا میں لوگ آرام کریں گے۔

      یہ بھی پڑھیں:


      کانگریس پارٹی کا 3,570 کلومیٹر اور 150 دن طویل پیدل مارچ 7 ستمبر کو کنیا کماری سے شروع ہوا اور جموں و کشمیر میں اختتام پذیر ہوگا۔ بھارت جوڈو یاترا 10 ستمبر کی شام کو کیرالہ میں داخل ہوئی۔ یہاں ریاست بھر 450 کلومیٹر کا فاصلہ طے کیا جائے گا، جو 1 اکتوبر کو کرناٹک میں داخل ہونے سے پہلے 19 دن کے عرصے میں سات اضلاع میں یاترا ہوگی۔
      Published by:Mohammad Rahman Pasha
      First published: