ایئرٹیل کی سروس ٹھپ، پورے ملک میں براڈبینڈ سے لیکر موبائل انٹرنیٹ تک بند

Airtel Down: ایئرٹیل صارفین کو آج صبح سے ہی کافی پریشانیوں کا سامنا کرنا پڑ رہا ہے۔ ایئرٹیل کی براڈ بینڈ اور موبائل سروس بند ہے۔ سوشل میڈیا پر ایئرٹیل صارفین کا کہنا ہے کہ انہیں موبائل انٹرنیٹ اور کالنگ میں پریشانی کا سامنا  کرنا پڑ رہا  ہے۔ ملک بھر میں بہت سے یوزرس اس بارے میں شکایت کر رہے ہیں۔ ایئرٹیل کے صارفین سوشل میڈیا پلیٹ فارم ٹویٹر Twitter  پر مسلسل اس کی شکایت کر رہے ہیں۔ Airtel  کی شکایتوں کا عالم یہ ہے کہ کچھ ہی دیر میں #AirtelDown ٹویٹر پر ٹرینڈ ہونے لگا۔

آؤٹیج Outage  ٹریکر ڈاؤن ڈیٹیکٹر downdetector  کے مطابق، ایئرٹیل آج صبح 11:30 بجے سے انٹرنیٹ میں پریشانی کا سامنا رہا ہے۔ بہت سے لوگوں نے شکایت کی ہے کہ انہیں مسلسل دقت پیش آرہی ہے۔ DownDetector نے اطلاع دی کہ Outage  نے ہندوستان کے کئی بڑے شہروں کو متاثر کیا جن میں دہلی، ممبئی، بنگلورو، حیدرآباد، احمد آباد، جے پور، کولکاتہ اور بہت سے دوسرے شہر شامل ہیں۔



ایرٹیل نے یہ بھی کہا ہے کہ نیٹ ورک میں کسی مسئلے کی وجہ سے صارفین کو پریشانی کا سامنا ہے۔ کمپنی کا کہنا ہے کہ یہ مسئلہ جلد حل ہو جائے گا۔


اس مسئلے سے جوجھ  رہے سیکڑوں صارفین نے ٹوئٹر کے ذریعے اپنی شکایت پیش کی ہے۔ کچھ صارفین کا کہنا ہے کہ وہ ایئرٹیل ایپ کو بھی استعمال  نہیں کر پا رہے ہیں۔ Outage   کے بعد لوگ ٹوئٹر پر میمز کے ذریعے کمپنی کا مذاق اڑا رہے ہیں۔