جاسوسی کے الزام میں وزارت خزانہ کا اہلکار گرفتار، دوسرے ملکوں کو بیچ رہا تھا خفیہ جانکاری

نئی دہلی : وزارت خزانہ کے ایک اہلکار کو جاسوسی کے شک میں گرفتار کیا گیا ہے ۔ اس اہلکار کا نام سمت بتایا جارہا ہے، جو کنٹریکٹ پر بطور ڈیٹا انٹری آپریٹر کام  کررہا تھا ۔ ذرائع کے مطابق اس پر پیسوں  کے بدلے حساس جانکاریاں دوسرے ممالک کو بیچنے کا الزام ہے ۔

ذرائع نے بتایا کہ سمت کے پاس سے ایک موبائل فون ضبط کیا گیا ہے ۔ اسی فون سے وہ دوسرے ملکوں کو خفیہ جانکاری شیئر کررہا تھا ۔ سمت کے خلاف آفیشیل سکریٹ ایکٹ کے تحت معاملہ درج کیا گیا ہے ۔



پولیس کی کرائم نے اس معاملہ کی جانکاری دیتے ہوئے بتایا کہ ملزم سمت وزارت خزانہ میں کنٹریکٹ پر کام کررہا تھا ۔ وہ پیسے لے کر الگ الگ ممالک کو خفیہ جانکاری مہیا کرا رہا تھا ۔ وزارت خزانہ سے متعلق ڈیٹا لیک کررہا تھا ۔ ملزم کے فون سے کئی اہم ڈیٹا اور جانکاری کرائم برانچ کو ملی ہے ۔

یہ بھی پڑھئے: مکرم جاہ بہادر پورے سرکاری اعزاز کے ساتھ سپرد خاک، نماز جنازہ میں ہزاروں افراد کی شرکت

یہ بھی پڑھئے: گھر سے ناراض ہوکر نکلی طالبہ کی کھڑی ٹرین میں آبروریی، GRP نے ریلوے ملازم کو کیا گرفتار

بتادیں کہ آفیشیل سیکریٹ ایکٹ 1923 کے تحت ملک کے خلاف جاسوسی اور غداری نیز ملک کے وقار کو نقصان پہنچانے والے جرائم کو رکھا گیا ہے ۔ اس معاملہ میں قصوروار قرار دئے جانے والے شخص کو 14 سال تک کی جیل کی سزا یا بھاری جرمانہ یا دونوں کی سزا دی جاسکتی ہے ۔