ہوم » نیوز » شمالی ہندوستان

شاہین باغ پر بی جے پی رکن پارلیمنٹ پرویش ورما کا اشتعال انگیز بیان، کہا۔ وہ آپ کے گھروں میں گھسیں گے، بیٹیوں کی عصمت دری کریں گے، ماریں گے

شاہین باغ میں شہریت ترمیمی قانون اور قومی شہریت رجسٹر کے خلاف پچھلے 45 دنوں سے احتجاج جاری ہے۔

  • Share this:
شاہین باغ پر بی جے پی رکن پارلیمنٹ پرویش ورما کا اشتعال انگیز بیان، کہا۔ وہ آپ کے گھروں میں گھسیں گے، بیٹیوں کی عصمت دری کریں گے، ماریں گے
پرویش ورما کی شاہین باغ مظاہرین کو دھمکی

نئی دہلی۔ بی جے پی رکن پارلیمنٹ اور مرکزی وزیر انوراگ ٹھاکر (Anurag Thakur) کے ذریعہ مبینہ طور پر متنازعہ نعرہ لگوانے کے بعد مغربی دہلی سے بی جے پی رکن پارلیمنٹ پرویش ورما (Parvesh Verma)  نے انتہائی اشتعال انگیز بیان دیا ہے۔ انہوں نے کہا ’ اگر ہم دہلی کے اقتدار میں آ گئے تو سرکاری زمین پر بنی مسجدوں کو ہٹا دیں گے۔ بی جے پی کو اکثریت مل گئی تو ایک گھنٹے میں شاہین باغ میں ایک بھی احتجاج کار نظر نہیں آئے گا‘۔ بی جے پی رکن پارلیمنٹ مغربی دہلی کی وکاس پوری اسمبلی (Vikaspuri Assembly) کے رنہولا گاؤں میں واقع کمیونٹی سینٹر میں منعقد ایک پروگرام میں بول رہے تھے۔



شاہین باغ میں شہریت ترمیمی قانون (CAA) اور قومی شہریت رجسٹر (NRC) کے خلاف پچھلے 45 دنوں سے احتجاج جاری ہے۔ پچھلے سال 15 دسمبر کو جامعہ میں سی اے اے مخالف احتجاجی مظاہرہ کے ٹھیک بعد یہ احتجاج شروع ہوا تھا۔

اس کے ساتھ ہی انہوں نے کہا ’’ وہاں (شاہین باغ میں) لاکھوں لوگ جمع ہوتے ہیں۔ دہلی کے لوگوں کو سوچنا ہو گا اور فیصلہ کرنا ہو گا۔ وہ آپ کے گھروں میں گھسیں گے، آپ کی بہن۔ بیٹیوں کی عصمت دری کریں گے، انہیں قتل کر دیں گے۔ آج ہی وقت ہے، کل مودی جی اور امت شاہ آپ کو بچانے نہیں آ پائیں گے‘‘۔

پرویش ورما یہیں نہیں رکے۔ انہوں نے کہا ’ میں آپ سے وعدہ کرتا ہوں کہ اگر دلی میں بی جے پی کی حکومت بن گئی تو 11 فروری کے بعد صرف ایک مہینے کا وقت مجھے دے دینا۔ میرے لوک سبھا حلقے میں سرکاری زمین پر بنی ایک بھی مسجد نہیں رہنے دوں گا۔ ساری مسجدیں ہٹا دوں گا۔ ہم کیا بناتے جا رہے ہیں ملک کو‘۔
First published: Jan 28, 2020 12:44 PM IST
corona virus btn
corona virus btn
Loading