ہوم » نیوز » شمالی ہندوستان

بڑی خبر: بی آر او ڈرائیور کی دراس ندی سے نکالی گئی لاش، سبحان علی کی تلاش جاری

دراس سے لداخ پولیس نے ڈرائیور کی لاش نکالی ہے جبکہ آئی ای ایس آفیسر سبحان علی کی تلاش ابھی بھی جاری ہے۔

  • Share this:

نئی دہلی۔ لداخ کے دراس سے اس وقت ایک بڑی خبر آ رہی ہے۔ گمشدہ آئی ای ایس آفیسر سبحان علی کے ڈرائیور کی لاش نکال لی گئی ہے۔ دراس سے لداخ پولیس نے ڈرائیور کی لاش نکالی ہے جبکہ آئی ای ایس آفیسر سبحان علی کی تلاش ابھی بھی جاری ہے۔


بتا دیں کہ لداخ میں تعینات افسر سبحان علی 22 جون سے لاپتہ ہیں۔ بتایا جارہا ہے کہ یہ افسر ہند۔چین سرحد پر بن رہی سڑک کا معائنہ کرنے گئے تھے اور ان کی جپسی بے قابو ہوکر 5ہزار فٹ گہری کھائی میں گرگئی تھی۔ جپسی کا پتہ چل گیا  لیکن سبحان کا پتہ ابھی تک نہیں چل پایا ہے۔ رپورٹ کے مطابق کچھ روز پہلے سبحان کے بھائی ان کا پتہ لگانے لیہہ گیے تھے، لیکن وہاں سے وہ ناکام لوٹے ہیں۔ سبحان کے بھائی نے حکومت سے ان کا سراغ لگانے کی اپیل کی ہے۔ اس کے کچھ روز بعد آج سبحان علی کے ڈرائیور کی لاش نکال لی گئی ہے، جبکہ آفیسر سبحان علی کی تلاش ابھی بھی جاری ہے۔


گمشدہ نوجوان آئی ای ایس سبحان علی کی تلاش جاری۔ فائل فوٹو

اترپردیش کے ضلع بلرام پور سے تعلق رکھنے والے سبحان علی کو ماہ فروری میں فوج جوائن کرنے کے بعد آر سی سی 81 میں تعیناتی ملی تھی۔ ان کو مینا مرگ کوارنٹائن سینٹر کا انچارج بنایا گیا تھا۔ دراس علاقہ میں 22 جون کی شام سے ان کے بارے میں کوئی اطلاع نہیں ملی، جس کے بعد تلاش شروع کی گئی اور ایک جگہ ندی کنارے گاڑی کے کچھ ٹکڑے دکھائی دیئے، جس کے بعد ندی سے ان کی جپسی برآمد کرلی گئی۔ تاہم سبحان علی اور ان کے ڈرائیور لانس نایک پلوندر سنگھ جن کو 10 سال گاڑی چلانےکا تجربہ بھی تھا، ان کا کوئی سراغ نہیں ملا، جس کی وجہ سے دونوں کو گمشدہ قرار دے دیا گیا تھا۔ فوج کی جانب سے ایک خط سبحان علی کے والد کو بھیجا گیا تھا جس میں ان کو مقامی تھانہ میں ایف آئی آر درج کرانے کے لئے کہا گیا ہے۔
Published by: Nadeem Ahmad
First published: Jul 09, 2020 03:26 PM IST
corona virus btn
corona virus btn
Loading