ہوم » نیوز » شمالی ہندوستان

خوشخبری: کورونا وبا کے درمیان عام لوگوں کیلئے راحت بھری خبر، سستا ہوا کھانا۔پکانا اور گاڑی چلانا، کم ہوئیں ان چیزوں کی قیمت

سی این جی (CNG) اور پی این جی PNG استعمال کرنے والے لوگوں کیلئے یہ خبر راحت بھری ہے۔ آئی جی ایل (IGL) کے ذریعے دی گئی جانکاری کے مطابق نئی قیمتیں چار اکتوبر صبح چھ بجے سے نافذ ہو گئی ہیں۔

  • Share this:
خوشخبری: کورونا وبا کے درمیان عام لوگوں کیلئے راحت بھری خبر، سستا ہوا کھانا۔پکانا اور گاڑی چلانا، کم ہوئیں ان چیزوں کی قیمت
سی این جی (CNG) اور پی این جی PNG استعمال کرنے والے لوگوں کیلئے راحت بھری خبر

کورونا وبا کے درمیان عام لوگوں کو راحت دیتے ہوئے اندر پرستھ گیس لمیٹیڈ (Indraprastha Gas Limited) نے سنیچر کو سی این جی (CNG) اور پی این جی PNG کی قیمتوں میں بڑی کمی واقع ہوئی ہے۔ آئی جی ایل نے سنیچر کو اس بارے میں کسٹمرس کو اطلاع دی۔ آئی جی ایل (IGL) کے ذریعے دی گئی جانکاری کے مطابق نئی قیمتیں 4 اکتوبر صبح 6بجے سے نافذ ہو گئی ہیں۔


اب فی کلو سی این جی کیلئے کتنا دینا ہوگا یہاں جانیں

دہلی میں سی این جی کی قیمت میں 1.53 روپئے فی کلو کی کمی واقع ہوئی ہے۔ اس کے بعد دہلی میں سی این جی کی قیمیت اب 42.70 روپئے فی کلو پر آگئی ہے۔ نوئیڈا، گریٹر نوئیڈا اور غازی آباد میں 1.70 روپئے فی کلو قیمت کم ہوئی۔ یہاں پر اب نئی قیمت 48.38 روپئے فی کلو ہے۔


مظفر نگر میں سی این جی کی قیمت گھٹ کر 56.55 روپئے فی کلو پر آگئی ہے۔ اسی طرح کرنال اور کیتھل میں سی این جی (CNG) کی نئی قیمت 50.68 روپئے فی کلو ہو گئی ہے۔ وہیں ریواڑی اور گروگرام میں سی این جی (CNG) کی نئی قیمت 53.20 روپئے اور کانپور ضلع میں 59.80 روپئے فی کلو ہو گئی ہے۔

کیا ہیں پی این جی (PNG) کی نئی قیمتیں
آئی جی ایل (IGL) نے آج سی این جی (CNG) کے ساتھ۔ساتھ گھریلو پی این جی (PNG) کے دام بھی گھٹائے ہیں۔ دہلی میں پی این جی کی قیمت 1.05 روپئے گھٹ کر 27.50 روپئے فی SCM ہوگئی ہے۔ کرنال اور ریواڑی میں 1.05 روپئے کم ہوکر PNG کی قیمت اب 27.55 روپئے ہو گئی ہے۔ اس سے پہلے پی این جی کی قیمت 28.20 روپئے تھی۔ مظفرنگر میں یہ 32.75 روپئے فی SCM بیچا جائے گا۔

ہر چھ ماہ میں طے ہوتی ہیں قیمتیں
بتادیں کہ آئی جی ایل دہلی میں تقریبا 9.5 لاکھ گھروں میں پی این جی سپلائی کرتا ہے۔ نوئیڈا، گریٹر نوئیڈا، غازی آباد، مظفر نگر، کرنال اور ریواڑی میں پانچ لاکھ گھروں میں پی این جی سپلائی ہوتی ہے۔ قدرتی گیس کی قیمتیں ہر چھ ماہ پر طے ہوتی ہیں۔ ہر سال ایک اپریل اور ایک اکتوبر سے قدرتی گئس کی نئی قیمتیں نافذ ہو جاتی ہیں۔
Published by: sana Naeem
First published: Oct 04, 2020 07:33 PM IST
corona virus btn
corona virus btn
Loading