ہوم » نیوز » شمالی ہندوستان

کانگریس پارٹی کمزور ہو رہی ہے، حاشیہ پر جا رہی ہے: اننت کمار

نئی دہلی۔ پارلیمانی امور کے وزیر اننت کمار نے آج کانگریس پر حملہ کرتے ہوئے کہا کہ وہ حاشیہ پر جا رہی ہے۔

  • UNI
  • Last Updated: Mar 14, 2018 12:49 PM IST
  • Share this:
  • author image
    NEWS18-Urdu
کانگریس پارٹی کمزور ہو رہی ہے، حاشیہ پر جا رہی ہے: اننت کمار
پارلیمانی امور کے وزیر اننت کمار: فائل فوٹو۔

نئی دہلی۔  پارلیمانی امور کے وزیر اننت کمار نے آج کانگریس پر حملہ کرتے ہوئے کہا کہ وہ حاشیہ پر جا رہی ہے۔ کمار نے پارلیمنٹ ہاؤس کے احاطے میں نامہ نگاروں سے کہا ’’جو کانگریس کبھی مرکزی دھارے کی پارٹی تھی، آج محترمہ سونیا گاندھی اور مسٹر راہل گاندھی کی قیادت میں حاشیہ پر جا رہی ہے۔ یہ حقیقت سب پارٹیاں جانتی ہیں‘‘۔


مسز گاندھی کے اپوزیشن پارٹیوں کو متحد کرنے کی کوشش کے تحت منگل کی شب دیئے گئے ڈنر کے بارے میں پوچھے جانے پر مسٹر کمار نے یہ بات کہی۔ اپوزیشن اتحاد کے بارے میں انہوں نے کہا ’’مسز گاندھی ڈنر کے ذریعہ متحد کرنے کی جو کوشش کر رہی ہیں اس کے مرکز میں کوئی 'گول' ہی نہیں ہے۔ کانگریس گر رہی ہے، کمزور ہو رہی ہے اور بکھر رہی ہے۔ جب کانگریس بکھر رہی ہے، ہر انتخابات میں وہ ہار رہی ہے، تو اتحاد کیسے ہوگا۔ لہذا اس میں کوئی منطق نہیں ہے‘‘۔


مرکزی وزیر نے کہا کہ شمال مشرقی کی تین ریاستوں میں انتخابات کے بعد بھارتیہ جنتا پارٹی (بی جے پی) کی زیر قیادت قومی جمہوری اتحاد (این ڈی اے) مضبوط ہوئی ہے۔ انہوں نے کہا ’’بی جے پی اور (وزیر اعظم) نریندر بھائی مودی کی قیادت میں این ڈی اے بڑھی ہے۔ شمال مشرق کے انتخابات کے نتائج کے بعد این ڈی اے ’پلس‘ ہو چکا ہے‘‘۔

First published: Mar 14, 2018 12:49 PM IST
corona virus btn
corona virus btn
Loading