உங்கள் மாவட்டத்தைத் தேர்வுசெய்க

    راہل گاندھی کے بھوک ہڑتال سے قبل چھولے- بھٹورے کھاتے نظرآئے کانگریسی لیڈران، سوشل میڈیا پر تصویر وائرل

    ی دہلی: پورے ملک میں دلتوں پر ہورہے ظلم کے واقعات اور مودی حکوم کی ناکامی کے خلاف پیر کو کانگریس کا ملکی سطح پر ہڑتال جاری ہے۔

    ی دہلی: پورے ملک میں دلتوں پر ہورہے ظلم کے واقعات اور مودی حکوم کی ناکامی کے خلاف پیر کو کانگریس کا ملکی سطح پر ہڑتال جاری ہے۔

    ی دہلی: پورے ملک میں دلتوں پر ہورہے ظلم کے واقعات اور مودی حکوم کی ناکامی کے خلاف پیر کو کانگریس کا ملکی سطح پر ہڑتال جاری ہے۔

    • Share this:
      نئی دہلی: پورے ملک میں دلتوں پر ہورہے ظلم کے واقعات اور مودی حکوم کی ناکامی کے خلاف پیر کو کانگریس کا ملکی سطح پر ہڑتال جاری ہے۔ دہلی کانگریس کے لیڈران نے آج گاندھی سمادھی پر پہنچ کر براج گھاٹ پر بھوک ہڑتال شروع کی ہے۔ تاہم بھوک ہڑتال اس درمیان کانگریسی لیڈران کی ایک تصویر سامنے آئی ہے، جس میں کانگریس کے ریاستی صدر اجے ماکن سمیت کئی کانگریسی لیڈر دہلی کے ایک ریسٹورنٹ مین چھولے بھٹورے کا لطف اٹھاتے نظر آرہے ہیں۔ دہلی بی جے پی لیڈر ہریشن کھورانہ نے یہ دعویٰ کیاہے۔ نیوز ایجنسی اے این آئی نے اس کی تصویر اپنے ٹوئٹر ہینڈل پر شیئر کی ہے۔ واضح رہے کہ گذشتہ دنوں پورے ملک مین دلت استحصال اور ظلم کے واقعات میں اضافہ ہوا ہے۔ وہیں ایس سی /ایس ٹی ایکٹ میں ہوئی تبدیلی کو لے کر بھی بے اطمینانی ہے۔ اس کے علاوہ کانگریس پارلیمنٹ کی کارروائی نہ چلنے کے سبب اپوزیشن ناراض ہے۔ اس کے لئے کانگریس نے 9اپریل کو پورے ملک میں بھوک ہڑتال کا اعلان کیا ہے۔ چھولے بھٹورے کھاتے ہوئے لیڈران کی تصویر وائرل ہونے کے بعد کانگریسی لیڈر اور سابق وزیر اروندر سنگھ لولی نے ردعمل ظاہر کرتے ہوئے کہاکہ یہ تصویر صبح 8بجے کی ہے۔ کانگریس نے صبح 10:30بجے سے شام 4:30بجے تک بھوک ہڑتال رکھی تھی۔ بی جے پی کے ساتھ یہی پریشانی ہے۔ ملک کو بہتر طریقے سے چلانے کے بجائے بی جے پی کی توجہ اس پر ہے کہ ہم کیا کھاتے ہیں؟

      اس سے قبل کانگریس صدر راہل گاندھی کی بھوک ہڑتال پر بی جے پی نے طنز کیاہے۔ دراصل ایسی خبریں آرہی تھیں کہ راہل گاندھی راج گھاٹ پر ایک دن کی بھوک ہڑتال کریںگے۔ انہیں مہاتما گاندھی کی سمادھی پر صبح 10:30بجے پہنچنا تھا، لیکن راہل دوپہر تقریباً ایک بجے یہاں پہنچے اور بھوک ہڑتال پر بیٹھے۔ بتایا جارہا ہے کہ راہل کی بھوک ہڑتال صرف چند گھنٹوں کےلئے ہے۔ اس معاملے بی جے پی کے انفارمیشن اینڈ ٹکنا لوجی کے انچارج امت مالویہ نے راہل گاندھی کی تنقید کی۔ مالویہ نے ٹوئٹ کیا ’’راہل جی اگر لنچ ہوگیا ہو تو بھوک ہڑتال پر بیٹھ جائو، میں جانتا ہوں کہ کون ایسا لیڈ ر ہوگا جو دوپہر 12:45بجے کے بعد بھوک ہڑتا ل پر بیٹھتا ہو۔
      کن معاملات پر ہے بھوک ہڑتال
       سی بی ایس ای پیپر لیک
      پی این بی گھوٹالہ
      کاویری آبی معاملہ
      آندھرا پردیش کو خصوصی ریاست کا درجہ نہ دینے کا معاملہ
      پارلیمنٹ میں بحث میں مرکزی حکومت کی ناکامی
      دلتوں پر تشدد اور استحصال کا معاملہ

      12اپریل کو بی جے پی کی بھوک ہڑتال
      دوسری جانب کانگریس کی بھوک ہڑتال کے بعد بی جے پی بھی 12اپریل کو  بھوک ہڑتال کرےگی۔ اس میں بی جے پی کے سبھی ممبران پارلیمنٹ بھی شریک ہوںگے۔ وزیراعظم نریندر مودی نے ممبران پارلیمنٹ کو یہ احکامات جاری کئے گئے ہیں۔ مودی نے پارلیمنٹ نہ چلنے دینے کےلئے اپوزیشن اور خاص طور پر کانگریس کو ذمہ دار ٹھہرایا ہے۔
      First published: