نئی دہلی : ملک کے چیف اقتصادی مشیر اروند سبرامنیم کے عہدہ چھوڑنے کو لے کر کانگریس صدر راہل گاندھی نے وزیراعظم نریندر مودی پر نشانہ سادھا ہے۔ راہل گاندھی نے الزام لگایا ہے کہ "جہاز ڈوب رہا ہے کپیٹن ڈیمو گہری نیند لے رہے ہیں"۔

راہل گاندھی نے معیشت کی حالت کو لے کر مرکزی وزیر ارون جیٹلی اور پیوش گوئل کے ساتھ ہی آرایس ایس پر بھی تنقید کی۔ انہوں نے ٹوئٹ کرکے کہا "ارون جیٹلی اپنے کمرے میں بند ہوکر فیس بک پر خبریں بریک کررہے ہیں۔ بی جے پی کے خازن (گوئل) کے پاس ہندوستانی معیشت کی ساری کنجی ہے"۔

کانگریس صدرنے الزام لگایا کہ آرایس ایس کا "پوشیدہ ہاتھ" جہاز کو چٹانوں کی طرف لے جارہا ہے اور ایسے میں عقلمند لوگ ڈوبتا ہوا جہاز چھوڑ کر بھاگ رہے ہیں۔ انہوں نے  وزیراعظم مودی  پر تنقید کرتے ہوئے کہا کہ اس درمیان کیپٹن ڈیمو گہری نیند لے رہے ہیں۔ سب کچھ عجیب وغریب چل رہا ہے۔

Ex ? FM is locked in his room, breaking news on FaceBook.

BJP Treasurer has the keys to the Indian Economy.

The brightest flee the sinking ship, as the “invisible hand” of the RSS steers it onto the rocks.

Meanwhile, Captain DeMo is fast asleep.

It’s crazy out there !

— Rahul Gandhi (@RahulGandhi) June 20, 2018

غور طلب ہے کہ ارون جیٹلی نے بدھ کو فیس بک پوسٹ کے ذریعہ جانکاری دی تھی کہ سبرامنیم وزارت مالیات چھوڑ رہے ہیں اور وہ اپنی گھریلو ذمہ داریوں کی وجہ سے امریکہ لوٹ رہےہیں۔

سبرامنیم کو 16 اکتوبر 2014 کو وزارت مالیات میں چیف اقتصادی مشیر مقرر کیا گیا تھا۔ ان کی تقرری تین سال کے لئے ہوئی تھی۔ 2017 میں ان کی مدت ایک سال کے لئے بڑھائی گئی تھی۔