امانت اللہ خان کےقریبی ساتھی حامد علی خان کوعدالت نےدی ضمانت، ’ضمنی چارج شیٹ میں کافی وقت لگےگا‘

دہلی کی ایک عدالت نے بدھ کے روز عام آدمی پارٹی (Aam Aadmi Party) کے ایم ایل اے امانت اللہ خان (Amanatullah Khan) کے قریبی ساتھی حامد علی خان (Hamid Ali Khan) کو ضمانت دے دی، جنہیں گزشتہ ہفتے انسداد بدعنوانی برانچ کے چھاپے کے بعد گرفتار کیا گیا تھا۔ حکام کے مطابق حامد علی خان کے گھر سے ایک غیر لائسنس یافتہ ہتھیار، 12 لاکھ روپے نقد اور کچھ کارتوس ملے ہیں۔

میٹروپولیٹن مجسٹریٹ سنہیل شرما نے حامد علی خان کو راحت دیتے ہوئے کہا کہ ملزم 16 ستمبر سے حراست میں ہے اور اس سے مزید کوئی بازیابی نہیں ہوئی۔ عدالت نے کہا کہ کیس کے تمام گواہ پولیس کے پاس محفوظ ہیں اور کیس میں چارج شیٹ یا ضمنی چارج شیٹ میں کافی وقت لگے گا۔

انھوں نے کہا کہ اس کیس سے متعلق تفتیش کے مقصد کے لیے ملزم کی مزید ضرورت نہیں ہے۔ جرم کی نوعیت اور سزا کی مدت کو مدنظر رکھتے ہوئے یہ عدالت ملزم حامد علی خان کو ضمانت دے دیتی ہے۔ ان کے حراست سے کسی وھی طرح کا مقصد پورا نہیں ہوتا۔ عدالت نے پھر ملزم کو 25,000 روپے کے ضمانتی مچلکے کے ساتھ اتنی ہی رقم کی دو ضمانتیں جمع کرنے کی ہدایت دی ہے۔

یہ بھی پڑھیں: 

• بڑی خبر: بڑھ سکتے ہیں دودھ اور دہی کے دام، مدر ڈیری کے اہلکار نے دیا اضافہ کا اشارہ


• کے ایل راہل کی دھماکہ دار بلے بازی پر آیا اتھیا شیٹی کا 'دل'، پیار دیکھ فینس رہ گئے حیران


• اوکھلا کے رکن اسمبلی امانت اللہ خان کو عدالت سے نہیں ملی راحت، 5 دنوں کی ریمانڈ پر


• تیستا سیتلواڑ کے خلاف SIT نے داخل کی چارچ شیٹ، جھوٹی گواہی سے سزا دلانے کی سازش رچی

جامعہ نگر پولیس اسٹیشن نے حامد علی کے خلاف آرمس ایکٹ کی متعلقہ دفعات کے تحت ایف آئی آر درج کی تھی۔ ضمانت کی دیگر شرائط میں ملزم کا تفتیشی افسر اور عدالت کے سامنے پیش ہونا، استغاثہ کے گواہوں کو اکسانا یا دھمکیاں نہ دینا اور ہندوستان کی سرزمین سے باہر نہ جانا شامل ہے۔