ہوم » نیوز » شمالی ہندوستان

ملک میں کورونا انفیکشن کے نئے معاملوں میں پھر سے اضافہ، متاثرین کی تعداد 1.58 لاکھ

صحت اور خاندانی بہبود کی مرکزی وزارت کی جانب سے جمعرات کو جاری کئے گئے اعداد و شمار کے مطابق ملک کی مختلف ریاستوں اور مرکز کے علاقے میں اب تک اس سے 158333 لوگ متاثر ہوئے ہیں اور 4531 لوگوں کی موت ہوئی ہے۔

  • UNI
  • Last Updated: May 28, 2020 12:27 PM IST
  • Share this:
ملک میں کورونا انفیکشن کے نئے معاملوں میں پھر سے اضافہ، متاثرین کی تعداد 1.58 لاکھ
صحت اور خاندانی بہبود کی مرکزی وزارت کی جانب سے جمعرات کو جاری کئے گئے اعداد و شمار کے مطابق ملک کی مختلف ریاستوں اور مرکز کے علاقے میں اب تک اس سے 158333 لوگ متاثر ہوئے ہیں اور 4531 لوگوں کی موت ہوئی ہے۔

نئی دہلی۔ ملک میں دو دن تک کوروناوائرس (كووڈ 19) سے انفیکشن کے نئے معاملوں میں جزوی کمی کے بعد گزشتہ 24 گھنٹوں کے دوران ایک بار پھر اضافہ ریکارڈ کیا گیا ہے اور 6566 نئے معاملات کے ساتھ متاثرین کی کل تعداد 158333 تک پہنچ گئی اور اس مدت میں 194 لوگوں کی موت کے ساتھ مرنے والوں کی تعداد 4531 تک پہنچ گئی ہے۔ گزشتہ 24 گھنٹوں کے دوران ملک کے مختلف حصوں میں اس سے متاثر 3266 لوگ ٹھیک ہوئے ہیں جس سے صحت مند ہوئے لوگوں کی کل تعداد 67692 ہو گئی ہے۔


صحت اور خاندانی بہبود کی مرکزی وزارت کی جانب سے جمعرات کو جاری کئے گئے اعداد و شمار کے مطابق ملک کی مختلف ریاستوں اور مرکز کے علاقے میں اب تک اس سے 158333 لوگ متاثر ہوئے ہیں اور 4531 لوگوں کی موت ہوئی ہے۔ ملک میں فی الحال کورواناکے کل 86110 فعال معاملے ہیں۔ ملک میں بدھ اور منگل کو نئے معاملات میں کمی دیکھی گئی تھی۔ بدھ کو 6387 اور منگل کو 6535 نئے کیس سامنے آئے تھے۔


ملک میں مہاراشٹر اس وبا سے سب سے زیادہ متاثر ہوا ہے۔ اس ریاست میں کوروانانے کافی تباہی برپا کی ہے۔ مہاراشٹر میں گزشتہ 24 گھنٹوں میں 2190 نئے کیس سامنے آئے ہیں۔ اس کے بعد ریاست میں اب تک اس سے متاثر ہونے والے لوگوں کی تعداد بڑھ کر 56948 ہو گئی ہے۔ ریاست میں اس جان لیوا وائرس سے اب تک 1897 افراد ہلاک ہوئے ہیں اور 17918 اس انفیکشن سے ٹھیک ہوئے ہیں۔ کوروناوائرس سے متاثر ہونے کے لحاظ سے تامل ناڈو دوسرے مقام پر ہے۔ تمل ناڈو میں اب تک 18545 لوگ اس سے متاثرہ ہوئے ہیں اور یہاں 133 اموات ہوئی ہیں جبکہ 9909 لوگوں کو علاج کے بعد مختلف اسپتالوں سے چھٹی مل چکی ہے۔ كووڈ -19 سے متاثر ہونے کے معاملے میں ملک کی مغربی ریاست گجرات تیسرے نمبر پر ہے۔ گجرات میں اب تک 15195 لوگ اس سے متاثرہ ہوئے ہیں اور 938 لوگوں نے اپنی جانیں گنوائی ہیں۔ اس کے علاوہ 7549 لوگ اس بیماری پر قابو پانے میں کامیاب ہوئے ہیں۔



کورونا کی وجہ سے قومی دارالحکومت کی حالت بھی کافی تشویشناک ہے۔ دہلی میں 15257 لوگ متاثر ہوئے ہیں اور اس وائرس نے 303 لوگوں کی جانیں لی ہیں۔ وہیں 7264 مریضوں کو علاج کے بعد اسپتالوں سے چھٹی دے دی گئی ہے۔ راجستھان میں بھی کوروناتیزی سے پاؤں پھیلا رہا ہے۔ یہاں کورونا متاثرین کی تعداد 7703 ہو گئی ہے اور 173 لوگوں کی موت ہو چکی ہے، جبکہ 4457 لوگ مکمل طور پر ٹھیک ہوئے ہیں۔

آبادی کے لحاظ سے ملک کی سب سے بڑی ریاست اترپردیش میں کورونا کی زد میں اب تک 6991 لوگ آئے ہیں اور 182 لوگوں کی موت ہوئی ہے۔ وہیں 3391 لوگ اس سے ٹھیک بھی ہوئے ہیں۔ مغربی بنگال میں 4192 لوگ کوروناوائرس سے متاثر ہوئے ہیں اور 289 لوگوں کی موت ہو چکی ہے اور اب تک 1578 لوگ ٹھیک ہوئے ہیں۔ تلنگانہ میں اب تک کورونا سے 2098 لوگ متاثر ہوئے ہیں اور 63 لوگوں نے کورونا کی وجہ سے جان گنوائی ہے۔ وہیں 1284 لوگ اب تک اس سے ٹھیک ہوئے ہیں۔ جنوبی ہند کی ریاست آندھرا پردیش میں 3171 اور کرناٹک میں 2418 لوگ متاثر ہیں اور ان ریاستوں میں اس سے مرنے والوں کی تعداد بالترتیب 58 اور 47 ہے۔ وہیں مرکز کے زیر انتظام علاقہ جموں و کشمیر میں متاثرین کی تعداد بڑھ کر 1921 ہو گئی ہے اوریہاں 26 اموات ہوئی ہیں۔ پنجاب میں 40، ہریانہ میں 18، بہار میں 15، اوڈیشہ اور کیرالہ میں سات سات، ہماچل پردیش میں پانچ، جھارکھنڈ، آسام، چنڈی گڑھ اور اتراکھنڈ میں چار چار اور میگھالیہ میں اس وبا سے ایک شخص کی موت ہوئی ہے۔
First published: May 28, 2020 12:17 PM IST
corona virus btn
corona virus btn
Loading