உங்கள் மாவட்டத்தைத் தேர்வுசெய்க

    ونگ کمانڈر ابھینندن کا سری نگر سے تبادلہ کیاجائےگا

    ایئر فورس کے ونگ کمانڈر ابھینندن: فائل فوٹو

    ایئر فورس کے ونگ کمانڈر ابھینندن: فائل فوٹو

    ذرائع کے مطابق یہ قدم سکیورٹی کی بناپر اٹھایاجارہاہے ،اگرچہ فضائیہ نے باقاعدہ طورپر اس کی تصدیق کرنے سے آج انکار کردیا۔

    • Share this:
      گزشتہ فروری میں ہندستانی فوجی ٹھکانوں پر حملہ کی کوشش کرنے والے پاکستان کے ایف ۔16جنگی طیاروں میں سے ایک کو اپنے جنگی طیارے سے میزائل داغ کر مارگرانے والے فضائیہ کے ونگ کمانڈر ابھینندن ورتمان کا سری نگر ایئر بیس سے دوسرے کسی ایئربیس میں تبادلہ کیاجائیگا۔
      ذرائع کے مطابق یہ قدم سکیورٹی کی بناپر اٹھایاجارہاہے ،اگرچہ فضائیہ نے باقاعدہ طورپر اس کی تصدیق کرنے سے آج انکار کردیا۔ فضائیہ کا کہنا ہے کہ کسی بھی افسر کا تبادلہ ایک معمول کی کارروائی ہوتی ہے ۔
      میڈیا رپورٹوں میں کہاگیاہے صحت یاب ہونے کے بعد ایک ماہ کی چھٹی پر گئے ونگ کنانڈر ابھینندن نے اپنے ہوم بیس سری نگر میں ڈیوٹی جوائن کرلی ہے۔ حالانکہ اس بارے میں فیصلہ نہیں کیاگیاہے کہ وہ جنگی طیارہ اڑانا شروع کریں گے یانہیں ۔
      First published: