ہوم » نیوز » شمالی ہندوستان

دہلی الیکشن نتائج: ابتدائی رجحانات میں کیجریوال حکومت، امانت اللہ خان اورکانگریس کے ہارون یوسف پیچھے

آدرش نگر، شکور بستی اور ماڈل ٹاؤن میں ووٹوں کی گنتی کا عمل ابھی روک دیا گیا ہے۔ بتایا جارہا ہےکہ تکنیکی خامی کی وجہ سے ووٹوں کی گنتی روکی گئی ہے۔ جبکہ امبیڈکرنگر، چھترپوراوردیولی میں ابھی تک ووٹوں کی گنتی شروع نہیں ہوپائی ہے، ان میں سے امبیڈکرنگراوردیولی ریزرو سیٹ ہیں۔

  • Share this:
دہلی الیکشن نتائج: ابتدائی رجحانات میں کیجریوال حکومت، امانت اللہ خان اورکانگریس کے ہارون یوسف پیچھے
دائیں سے بائیں۔ کانگریس صدر سونیا گاندھی، دہلی کے وزیراعلیٰ اروند کیجریوال اور وزیراعظم نریندر مودی

دہلی اسمبلی انتخابات 2020 کے نتائج ابتدائی رجحانات سامنے آگئے ہیں۔ اس میں عام آدمی پارٹی کو واضح اکثریت ہوتی ہوئی نظر آرہی ہے۔ جبکہ بی جے پی تقریباً 15 سیٹوں پر آگے چل رہی ہے۔ جبکہ کانگریس ایک بھی سیٹ پر آگے نہیں چل رہی ہے۔ کانگریس کےلئے خوشخبری لانے والے  ہارون یوسف پیچھے ہوگئے ہیں۔ بلیماران اسمبلی حلقہ میں سہ رخی مقابلہ دیکھنے کو مل رہا ہے۔ کبھی  عام آدمی پارٹی، تو کبھی بی جے پی امیدوار آگے ہو رہے ہیں۔ ہارون یوسف پہلے آگے چل رہے تھے، لیکن پھر پیچھےہوگئے ہیں۔ ہارون یوسف کو گزشتہ اسمبلی انتخابات میں عام آدمی پارٹی کے عمران حسن نےشکست دی تھی اور وہ عام آدمی پارٹی کی حکومت میں وزیربنے تھے۔ اس سےقبل ہارون یوسف مسلسل پانچ بار بلیماران اسمبلی حلقہ کی نمائندگی کرچکے ہیں اور شیلا سرکار میں وزیر رہے ہیں۔


کانگریس کے سینئر لیڈر اور سابق ریاستی وزیرہارون یوسف بلیماران اسمبلی حلقہ سے ایک بار پھر پیچھے ہوگئے ہیں۔
کانگریس کے سینئر لیڈر اور سابق ریاستی وزیرہارون یوسف بلیماران اسمبلی حلقہ سے ایک بار پھر پیچھے ہوگئے ہیں۔


ابتدائی رجحانات سامنے آنے کے بعد تین سیٹوں پر تکنیکی خامی کی وجہ سے ووٹوں کی گنتی رک گئی ہے۔ آدرش نگر، شکور بستی اور ماڈل ٹاؤن میں ووٹوں کی گنتی کا عمل ابھی روک دیا گیا ہے۔ بتایا جارہا ہے کہ تکنیکی خامی کی وجہ سے ووٹوں کی گنتی روکی گئی ہے۔ جبکہ امبیڈکر نگر، چھترپور اور دیولی میں ابھی تک ووٹوں کی گنتی شروع نہیں ہوپائی ہے، ان میں سے امبیڈکر نگر اور دیولی ریزرو سیٹ ہیں۔


مسلم اکثریتی حلقہ اوکھلا کی اگر بات کریں تو یہاں سے امانت اللہ خان بھی پیچھے چل رہے ہیں۔ عام آدمی پارٹی کے امیدوار اور موجودہ رکن اسمبلی امانت اللہ خان پہلے آگے چل رہے تھے، لیکن اب بی جے پی کے امیدوار برہم سنگھ آگے ہوگئے ہیں۔ جبکہ کانگریس امیداور پرویز ہاشمی تیسرے نمبر پرہیں۔ 2015 میں عام آدمی پارٹی کے امیدوار نے یہاں جیت درج کی تھی۔ ابتدائی رجحانات میں امانت اللہ خان آگے چل رہے تھے، لیکن وہ پھر پیچھے ہوگئے۔

عام آدمی پارٹی کے رکن اسمبلی امانت اللہ خان۔
عام آدمی پارٹی کے رکن اسمبلی امانت اللہ خان۔


وہیں دوسری طرف عام آدمی پارٹی جشن  کی تیاری میں مصروف ہوگئی ہے۔ پارٹی آفس پر تقریب منعقد ہوگی، جس میں وزیراعلیٰ  اروند کیجروال اپنے اہل خانہ کے ساتھ شرکت کریں گے۔ اس پر عام آدمی پارٹی کے لیڈر اور راجیہ سبھا رکن پارلیمنٹ سنجے سنگھ نےکہا ہے کہ 'حتمی نتائج کا انتظار کریں۔ عام آدمی پارٹی تاریخی فتح کی طرف گامزن ہیں۔


دہلی انتخابی نتائج2020: اب تک 59 سیٹوں کے رحجانات سامنے آئے ہیں۔ 44سیٹوں پر عام آدمی پارٹی اور16 سیٹوں پربی جے پی آگے ہے۔ عام آدمی پارٹی نے جشن کی تیاری کرلی ہے۔


 
First published: Feb 11, 2020 09:38 AM IST
corona virus btn
corona virus btn
Loading