ستیندر جین کے بعد منیش سسودیا کی حالت تشویشناک، ایل این جے پی اسپتال میں داخل

نئی دہلی: دہلی میں لیفٹیننٹ گورنر دفتر میں دھرنے پر بیٹھے دہلی کے وزیرصحت ستیندر جین کے بعد اب منیش سسودیا کی حالت تشویشناک ہوگئی ہے۔ انہیں ایل این جے پی اسپتال لے جایا گیا ہے۔ ان کے پیشاب میں کیٹون لیول 7.4 پہنچ گیا ہے۔

واضح رہے کہ پیرکی شام سے دہلی کے وزیراعلیٰ اروند کیجریوال اپنے تین وزرا کے ساتھ ایل جی ہاوس میں دھرنا دے رہے ہیں۔ منگل کو ستیندر جین کے دھرنے پر بیٹھنے کے بعد بدھ سے دہلی کے نائب وزیراعلیٰ منیش سسودیا نے بھی بھوک ہڑتال شروع کردی۔

آئی اے ایس افسروں کی ہڑتال ختم کرانے کے مطالبات کو لے کر چل رہے اس دھرنے کو کئی اپوزیشن پارٹیوں نے حمایت دی ہے۔  ممتا بنرجی، ایچ ڈی کمار سوامی، چندرا بابو نائیڈو اور پنارائی وجین ہفتہ کو کیجریوال سے ملنے ایل جی دفتر پہنچے تھے، لیکن انہیں اجازت نہیں ملی۔

After increase Ketone level 7.4 in routine check up in Anshan, Delhi Dy CM @msisodia is being shifted to LNJP Hospital.

Stay tuned. pic.twitter.com/6yW27UnPjp

— AAP (@AamAadmiParty) June 18, 2018

اتوار کو عام ٓدمی پارٹی نے وزیراعظم کی رہائش گاہ تک مارچ نکالنے کی کوشش کی، لیکن اجازت نہ ملنے کے سبب انہیں درمیان میں ہی روک دیا گیا۔  دوسری جانب عام آدمی پارٹی نے بی جے پی اور کانگریس پر تنقید کی ہے۔ عام آدمی پارٹی کے لیڈروں نے کانگریس کی خاموشی پر سوال اٹھائے ہیں۔