உங்கள் மாவட்டத்தைத் தேர்வுசெய்க

    پلوامہ حملے کا ایسے جواب دے رہی ہے فوج، اب تک 41 دہشت گرد ہلاک، 25 تھے جیش محمد سے منسلک

    پلوامہ حملہ: فائل فوٹو

    پلوامہ حملہ: فائل فوٹو

    مارے گئے دہشت گردوں نے پلوامہ حملے کوانجام دینے والی دہشت گرد تنظیم جیش محمد کے 25 دہشت گرد شامل ہیں۔

    • Share this:
      پلوامہ حملےکے بعد جاری کارروائی میں ہندوستانی فوج، سی آرپی ایف اورجموں وکشمیر پولیس کے مشترکہ آپریشن میں 41 دہشت گردوں کومارگرایا ہے۔ مارے گئے دہشت گردوں میں پلوامہ حملے کوانجام دینے والی دہشت گرد تنظیم جیش محمد کے 25 دہشت گرد بھی شامل ہیں۔

      جموں وکشمیرپولیس کےڈائریکٹرجنرل (ڈی جی پی) دلباغ سنگھ نے بدھ کومیڈیا کوبتایا کہ سال 2019 کے چوتھے ماہ میں ابھی تک 70 دہشت گردوں کومارگرایا ہے، ان میں سے 41 کوپلوامہ حملے کے بعد جاری آپریشن میں مارا گیا ہے۔ میڈیا سے بات چیت کے دوران جنرل آفیسرکمانڈنگ 15 کاپرس لیفٹیننٹ جنرل کےجےایس ڈھلن اورسی آرپی ایف کے انسپکٹر جنرل ذوالفقارحسن بھی موجود رہے۔

      دلباغ سنگھ نےبتایا کہ سال 2018 میں فوج، سی آرپی ایف اورپولیس کی مشترکہ کارروائی میں 272 دہشت گردمارے گئےتھے۔ سال 2019 میں ابھی تک 70 دہشت گرد مارے گئے ہیں، جن میں سے 41 پلوامہ حملےکے بعد جاری آپریشن میں مارے گئے ہیں۔ پلوامہ کے بعد مارے گئے 41 دہشت گردوں میں سے 25 جیش محمد سے منسلک ہیں۔

      جموں وکشمیرپولیس کے مطابق پلوامہ حملےکے بعد پتھربازی کے حادثات میں بھی کمی واقع ہوئی ہے۔ واضح رہے کہ 14 فروری کوپلوامہ میں سی آرپی ایف کےقافلےکونشانہ بنا کرحملہ کیا گیا تھا، جس میں 40 جوان شہید ہوگئےتھے۔ حالانکہ اس کے بعد ہندوستانی فضائیہ نے پاکستان کو منہ توڑ جواب دیتے ہوئے اس کے دہشت گردانہ اڈوں کو تباہ کردیا تھا۔
      First published: