پچاس لاکھ سرکاری ملازمین کو ملا دیوالی کا تحفہ ! مودی حکومت نے کیا یہ بڑا اعلان

مرکزی حکومت نے مرکزی ملازمین اور پنشن یافتگان کے لئے مہنگائی بھتے میں پانچ فیصد اضافہ کرنے کا اعلان کیا ہے۔ وزیر اعظم نریندر مودی کی صدارت میں بدھ کو یہاں ہوئی کابینہ کی میٹنگ میں یہ فیصلہ کیا گیا ۔ میٹنگ کے بعد اطلاعات و نشریات کے وزیر پرکاش جاوڈیکر نے ایک پریس کانفرنس میں یہ اطلاع دی۔ انہوں نے بتایا کہ مرکزی ملازمین اور پنشن یافتگان کے لئے مہنگائی بھتہ 12 فیصد سے بڑھا کر 17 فیصد کر دیا گیا ہے۔

مرکزی وزیر نے بتایا کہ  اس کے لئے حکومت پر 16 ہزار کروڑ روپے کا اضافی بوجھ پڑے گا۔ انہوں نے بتایا کہ حکومت کے اس فیصلے سے مرکزی حکومت کے 50 لاکھ مرکزی ملازمین اور پنشن یافتگان کو فائدہ ملے گا۔

Union Minister Prakash Javadekar: Under leadership of Prime Minister Modi, several decision have been taken and good news for govt employees is that Dearness Allowance has been hiked by 5%. pic.twitter.com/P08ZnEcDIC

— ANI (@ANI) October 9, 2019

علاوہ ازیں مودی حکومت نے پردھان منتری کسان سمان ندھی یوجنا (پی ایم کسان )سے کسانوں کو ملنے والی امدادی رقم کو آدھار سے جوڑنے کی حتمی میعاد 30نومبر تک بڑھادی ہے جس سے انھیں یہ امدادی رقم ملتی رہے گی ۔  اس سے کسانوں کو اس امداد کی تیسری قسط مل سکے گی ۔

Union Minister Prakash Javadekar: Cabinet has decided to relax till 30th November 2019, the mandatory requirement of #Aadhaar seeding for release of benefits under Pradhan Mantri Kisan Samman Nidhi after 1st August, 2019 pic.twitter.com/lQp6bmdvSP

— ANI (@ANI) October 9, 2019

اس اسکیم کے تحت کسانوں کو سالانہ 6000روپئے کی مالی مدددی جاتی ہے ۔اب تک تقریبا چھ کروڑ کسانوں کو اس اسکیم کا فائدہ مل چکاہے ۔ پرکاش جاوڈیکر نے بتایاکہ حکومت نے تقریبا 14کروڑ کسانوں کو پی ایم کسان یوجنا کے تحت 87000کروڑ روپئے دیے جانے کو منظوری دی ہے ۔