دہلی کے وزیر ستیندر جین سے متعلق مبینہ منی لانڈرنگ معاملے میں ای ڈی کا ایک اور ایکشن دکھا ہے۔ ای ڈی یعنی انفورسمنٹ ڈائریکٹوریٹ نے ستیندر جین کے خلاف درج منی لانڈرنگ کیس میں مزید دو لوگوں کو گرفتار کیا ہے۔ ای ڈی نے جن دو لوگوں کو گرفتار کیا ہے ان کی شناخت صنعتکار وہبھو جین اور انکش جین کے طور پر کی گئی ہے۔ یہاں یہ بات قابل ذکر ہے کہ اس معاملے میں سی بی آئی نے انکش، ویبھو جین اور دیگر کے خلاف چارج شیٹ داخل کی تھی۔

فی الحال ای ڈی انکش اور ویبھو جین کو گرفتار کرنے کے بعد تحقیقات کر رہی ہے۔ دونوں سے مسلسل پوچھ گچھ کی جا رہی ہے تاکہ منی لانڈرنگ کے اس مبینہ کیس کا معاملہ حل ہو سکے۔ اس معاملے میں جب 6 جون کو چھاپے مارے گئے تھے تب ای ڈی نے کل 2.35 کروڑ روپے اور تقریباً 133 سونے کے سکے ضبط کیے تھے۔

دہلی کے وزیر صحت ستیندر جین، جنہیں انفورسمنٹ ڈائریکٹوریٹ نے مبینہ طور پر منی لانڈرنگ کیس میں گرفتار کیا تھا، فی الحال عدالتی حراست میں ہے اور پیر کو ایک عدالت نے ان کی حراست میں دو ہفتے کی توسیع کر دی۔

Manipur landslide:ملبے سے 4 لاشیں برآمد، اب تک 14کی موت،60 سے زائد افراد کے دبے ہونےکاخدشہ

خصوصی جج گیتانجلی گوئل نے ای ڈی کی درخواست پر یہ حکم سنایا جس میں جین کی حراست میں توسیع کی درخواست کی گئی تھی۔ اس سے پہلے دن کے وقت جج نے یہ کہتے ہوئے درخواست پر غور کرنے سے انکار کر دیا تھا کہ کارروائی کے دوران نہ تو جین اور نہ ہی ان کی نمائندگی کرنے والا کوئی وکیل عدالت کے سامنے موجود تھا۔