உங்கள் மாவட்டத்தைத் தேர்வுசெய்க

    Eid-Ul-Adha 2022: ملک بھر میں عید الاضحیٰ کا اہتمام، ہر طرف خوشیوں کا ماحول، سیکورٹی میں اضافہ

    Youtube Video

    وزیر اعظم نریندر مودی (Narendra Modi) نے ٹوئٹ کیا کہ عید مبارک! عید الاضحی کی مبارکباد! دعا ہے کہ یہ تہوار ہمیں انسانیت کی بھلائی کے لیے اجتماعی بہبود اور خوشحالی کے جذبے کو آگے بڑھانے کے لیے کام کرنے کی ترغیب دے۔

    • Share this:
      ملک بھر میں آج اتوار کو عید الاضحیٰ (Eid-Ul-Adha) یعنی بقر عید کے موقع پر نماز عید الاضحیٰ ادا کی گئ۔ نماز عید کے بعد گلے مل کر ایک دوسرے کو عید کی مبارکباد دیتے ہوئے دیکھا گیا۔ وزیر اعظم نریندر مودی نے بھی عید پر اپنی نیک خواہشات کا اظہار کیا۔ انھوں نے لوگوں کو انسانیت کی بھلائی کے لیے کام کرنے کی ترغیب دی۔

      وزیر اعظم نریندر مودی (Narendra Modi) نے ٹوئٹ کیا کہ عید مبارک! عید الاضحی کی مبارکباد! دعا ہے کہ یہ تہوار ہمیں انسانیت کی بھلائی کے لیے اجتماعی بہبود اور خوشحالی کے جذبے کو آگے بڑھانے کے لیے کام کرنے کی ترغیب دے۔

      دریں اثنا اس موقع پر کسی بھی ناخوشگوار واقعے کے روکنے کے لیے چند ریاستوں میں سیکورٹی کو بڑھا دیا گیا تھا۔ یوپی میں پولیس نے مسلم کمیونٹی کے لوگوں سے کہا کہ وہ سوائے مقررہ جگہوں کے کھلے میں جانوروں کو ذبح کرنے سے گریز کریں۔ پولیس نے ایک بیان میں کہا کہ انہیں ممانعت کے بارے میں آگاہ کرنے کے لیے کمیونٹی کے رہنماؤں کے ساتھ ریاست بھر میں 6,000 سے زیادہ میٹنگیں کی گئیں۔

      انڈیا ٹوڈے کی ایک رپورٹ میں کہا گیا ہے کہ متھرا پولیس نے بھی مدیہ پورنیما میلے اور عید الاضحی کی تیاریوں کے لیے 'وسیع پیمانے پر حفاظتی انتظامات' کیے ہیں۔



      یہ بھی پڑھیں: Elon Musk نے Twitter ڈیل رد کرنے کا کیا اعلان، کمپنی کرے گی مسک پر مقدمہ

      پانچ روزہ مدیا پورنیما میلہ کرشنا کے عقیدت مندوں کی ایک بڑی تعداد متھرا اور آس پاس کے برج علاقے میں بستی ہیں وہیں مسلمان عید الاضحیٰ کے تین روزہ تہوار میں قربانی تقسیم کرتے ہیں۔ راجیو کرشنا ایڈیشنل ڈائرکٹر جنرل آف پولیس (ADG) آگرہ زون نے زون کے تمام پولیس سربراہوں کو مقامی امن کمیٹی کے ارکان سے ملاقات کرنے اور ان تہواروں کے پرامن ہونے کو یقینی بنانے کے لیے حکومت کی ہدایات پر عمل کی ترغیب دی ہے۔

       

      مزید پڑھیں: Eid-ul-Adha in India: آج ملک بھرمیں نہایت عقیدت واحترام کے ساتھ منائی جارہی ہےعیدالاضحیٰ


      ٹائمز ناؤ کی خبر کے مطابق یوپی حکومت نے عید الاضحی (بقرعید)، محرم، کنور یاترا اور ناگپنچمی جیسے تہواروں کے پیش نظر ہفتہ کو لکھنؤ میں دفعہ 144 بھی نافذ کر دی۔ لکھنؤ کے جوائنٹ کمشنر آف پولیس (جے سی پی) لاء اینڈ آرڈر پیوش موردیا نے 9 جولائی 2022 کو ایک حکم جاری کیا جس میں کہا گیا کہ مذہبی مقامات پر لاؤڈ اسپیکر کو ان کے احاطے تک محدود رکھا جائے۔
      Published by:Mohammad Rahman Pasha
      First published: