فاتح انٹارٹکا ظہور قاسم کا انتقال، تدفین جامعہ قبرستان میں
نئی دہلی۔ ممتاز ہندستانی سائنس داں پدم بھوشن پروفیسر سید ظہور قاسم کا آج یہاں انتقال ہوگیا
نئی دہلی۔ ممتاز ہندستانی سائنس داں پدم بھوشن پروفیسر سید ظہور قاسم کا آج یہاں انتقال ہوگیا
- UNI
- Last Updated :
نئی دہلی۔ ممتاز ہندستانی سائنس داں پدم بھوشن پروفیسر سید ظہور قاسم کا آج یہاں انتقال ہوگیا ۔ انٹارٹکا کی اولین ہندستانی مہم جوئی کے لیڈر مرحوم قاسم 92 برس کے تھے۔تدفین آج ہی جامعہ قبرستان میں بعد نماز ظہر عمل میں آئی ۔ جنازے میں مختلف شعبہ ہائے زندگی کے نمائندوں نے بڑی تعداد مین شرکت کی۔
پروفیسر قاسم نے 82۔1981 میں منجمد براعظم انٹارٹکا کی مہم جوئی کی اور آئندہ سات مہمات کی کامیاب اور منظم رہنمائی کی۔ قومی اور بین الاقوامی جریدوں میں ان کے دو سو سے زیادہ اوریجنل تحقیقی مقالات کی اشاعت عمل میں آئی۔ ان کی خدمات کے اعتراف میں 1982 میں انہیں پدم بھوشن کے اعزاز سے سرفراز کیا گیا تھا۔
پروفیسر قاسم علی گڑھ مسلم یونیورسٹی کے ابنائے قدیم میں نمایاں اور منفرد حیثیت رکھتے تھے انہوں نے 1949 میں بی ایس سی مکمل کرنے کے بعد علی گڑھ مسلم یونیورسٹی سے ہی 1951 میں زولوجی میں ایم ایس سی کیا اور اول پوزیشن کے ساتھ کامیاب ہوئے۔
علی گڑھ مسلم یونیورسٹی نے 2009 میں پروفیسر قاسم کو لائف سائنس کے لئے سر سید احمد خان انٹر نیشنل ایوارڈ سے نوازا تھا۔ پروفیسر قاسم نے اس ایوارڈ کی رقم (تین لاکھ روپے)یونیورسٹی کو عطیہ میں دے دی تھی تاکہ یونیورسٹی کے سائنس گریجویٹ کے مستحق طالب علموں کے لئے اکیڈمک ایوارڈ اور اسکالرشپ کا سلسلہ شروع کیا جا سکے۔
سب سے پہلے پڑھیں نیوز18اردوپر اردو خبریں، اردو میں بریکینگ نیوز ۔ آج کی تازہ خبر، لائیو نیوز اپ ڈیٹ، پڑھیں سب سے بھروسہ مند اردو نیوز،نیوز18 اردو ڈاٹ کام پر ، جانیئے اپنی ریاست ملک وبیرون ملک اور بالخصوص مشرقی وسطیٰ ،انٹرٹینمنٹ، اسپورٹس، بزنس، ہیلتھ، تعلیم وروزگار سے متعلق تمام تفصیلات۔ نیوز18 اردو کو ٹویٹر ، فیس بک ، انسٹاگرام ،یو ٹیوب ، ڈیلی ہنٹ ، شیئر چاٹ اور کوایپ پر فالو کریں ۔