ہوم » نیوز » شمالی ہندوستان

کیجریوال کا بڑا الزام- کانگریس نے ہرجگہ اپوزیشن کوکمزورکرنے کی لےرکھی ہے رشوت

نیوز18 انڈیا کے منیجنگ ایڈیٹرکشوراجوانی کودیئے ایکسکلوزیو انٹرویو میں دہلی کے وزیراعلیٰ اورعام آدمی پارٹی کے سربراہ اروند کیجریوال نے پارٹی چھوڑکرگئے پرانے لوگوں کوواپسی کی دعوت دی۔

  • Share this:
کیجریوال کا بڑا الزام- کانگریس نے ہرجگہ اپوزیشن کوکمزورکرنے کی لےرکھی ہے رشوت
دہلی کے وزیراعلیٰ کیجریوال نے نیوز18 سے ایکسکلوزیوانٹرویو میں کہا کہ دہلی کو مکمل ریاست کا درجہ دینے والی جماعت کو حمایت دیں گے۔

دہلی کے وزیراعلیٰ اورعام آدمی پارٹی کے سربراہ اروند کیجریوال نے نیوز18 انڈیا کو دیئے ایکسکلوزیوانٹرویو میں کانگریس سے اتحاد نہیں ہوپانےکے اسباب، پارٹی کی انتخابی حکمت عملی اورالیکشن کے بعد کے حالات میں عام آدمی پارٹی کے رول پرکھل کربات کی۔ وہیں انہوں نے دہلی میں اتحاد نہیں ہوپانے کا ٹھیکرا کانگریس کے سرپھوڑا۔ انہوں نےالزام لگایا کہ کانگریس ہرجگہ بی جے پی کے خلاف لڑنے والی پارٹیوں کوکمزورکررہی ہے۔


جب نیوز18 انڈیا کے مینیجنگ ایڈیٹرکشوراجوانی نےکیجریوال سے دہلی میں کانگریس جنرل سکریٹری پرینکا گاندھی کے روڈ شوپرسوال کیا توانہوں نے کہا کہ کانگریس ہرجگہ اپوزیشن جماعتوں کوکمزورکرنے کا کام کررہی ہے۔ کانگریس نے یوپی میں سماجوادی پارٹی - بی ایس پی اتحاد کی امیدوں کوکمزورکیا۔ کانگریس یوپی میں ان دونوں جماعتوں کے ہی ووٹ کاٹے گی۔ وہیں بنگال میں ممتا بنرجی پرسیاسی حملے کئے جارہے ہیں۔ اس کے علاوہ دہلی میں بھی کانگریس اپوزیشن کوہی متاثرکررہی ہے۔ کیجریوال نےکہا کہ کانگریس نےاپوزیشن کوکمزورکرنے کی رشوت لے رکھی ہے۔


پریس کانفرنس سے پہلے کانگریس نے اتحاد کی شرط بدلی


اتحاد کے سوال پراروند کیجریوال نے کہا کہ ٹوئٹرپراتحاد نہیں ہوتے ہیں۔ ان کی زبان سے واضح ہے کہ کانگریس اتحاد کوتیارنہیں تھی۔ اتحاد کولے کرسنجے سنگھ اورکانگریس کے سینئرلیڈرغلام نبی آزاد کی پریس کانفرنس ہونے والی تھی، لیکن اگلے دن انہوں نے اتحاد کی شرطیں ہی تبدیل کردیں۔ یہی نہیں اگلے دن ہمارا فون ہی نہیں اٹھایا گیا۔ انہوں نے فون اٹھانا بند کردیا۔

آپ چھوڑکرگئے لوگوں کودیاواپسی کا آفر

عام آدمی پارٹی کے سربراہ نے دعویٰ کیا کہ ان کی پارٹی لوک سبھا الیکشن 2019 میں دہلی کی سبھی سات سیٹوں پرشاندارجیت حاصل کرے گی۔ اسی دوران انہوں نے کہا کہ عام آدمی پارٹی چھوڑکرگئے پرانے ساتھیوں کا پارٹی میں پھراستقبال ہے۔ مانا جارہا ہے کہ ان کا اشارہ پارٹی چھوڑکرجاچکے آشوتوش، آشیش کھیتا، کپل مشرا، کماروشواس، پرشانت بھوشن اور یوگیندریادو کی طرف ہے۔

 
First published: May 08, 2019 06:49 PM IST
corona virus btn
corona virus btn
Loading