کسان۔ جوان جھڑپ کی تصویر شئیر کر کے راہل گاندھی بولے۔ وزیر اعظم کے گھمنڈ نے جوان کو کسان کے خلاف کھڑا کردیا

نئی دہلی۔ کانگریس کے سابق صدر راہل گاندھی اور جنرل سکریٹری پرینکا گاندھی واڈرا نے کسانوں کو دہلی آنے سے روکنے کے لئے فوج کے استعمال پر تنقید کرتے ہوئے کہا کہ حکومت نے ’جئے جوان جئے کسان‘ نعرہ کی دھجیاں اڑاتے ہوئے ملک کے کسان اورجوان کو آمنے سامنے کردیا ہے۔ راہل گاندھی نے دہلی جانے پر مصر ایک کسان کی فوج کے جوان کے ہاتھوں پٹائی کی تصویر ٹوئٹ کی ہے اور کہا ہے کہ کسان کے خلاف کھڑے فوجی کی یہ تصویر انتہائی افسوسناک ہے۔

बड़ी ही दुखद फ़ोटो है। हमारा नारा तो ‘जय जवान जय किसान’ का था लेकिन आज PM मोदी के अहंकार ने जवान को किसान के ख़िलाफ़ खड़ा कर दिया।

यह बहुत ख़तरनाक है। pic.twitter.com/1pArTEECsU

— Rahul Gandhi (@RahulGandhi) November 28, 2020

راہل گاندھی نے ٹوئٹ کیا ’’انتہائی افسوسناک تصویر۔ ہمارا نعرہ تو’جئے جوان جئے کسان‘ تھا لیکن آج وزیر اعظم مودی کے گھمنڈ نے جوان کو کسان کے خلاف کھڑا کردیا۔ یہ بہت خطرناک ہے۔ ‘‘

भाजपा सरकार में देश की व्यवस्था को देखिए

जब भाजपा के खरबपति मित्र दिल्ली आते हैं तो उनके लिए लाल कालीन डाली जाती है।

मगर किसानों के लिए दिल्ली आने के रास्ते खोदे जा रहे हैं।

दिल्ली किसानों के खिलाफ कानून बनाए वह ठीक, मगर सरकार को अपनी बात सुनाने किसान दिल्ली आए तो वह गलत? pic.twitter.com/rm7CFmaWAL

— Priyanka Gandhi Vadra (@priyankagandhi) November 28, 2020

وہیں پرینکا واڈرا نے کہا ’’بی جے پی حکومت میں ملک کا نظام دیکھیں۔ جب بی جے پی کے کھرب پتی دوست دہلی آتے ہیں تو ان کیلئے سرخ قالین بچھایا جاتا ہے۔ لیکن کسانوں کے دہلی آنے کا راستہ کھودا جارہا ہے۔ انہوں نے کسانوں کے خلاف قانون بنائے، وہ ٹھیک ، لیکن سرکار کو اپنی باتیں سنانے کسان دہلی آئے تو وہ غلط''۔

بتا دیں کہ مرکزی حکومت کے نافذ کردہ زرعی قوانین کے خلاف احتجاج کر رہے کسان ہفتہ کی صبح سنگھو بارڈر پر جمع ہوئے اور میٹنگ کی۔ اس میں انہوں نے احتجاج کے لئے شمالی دہلی میں جگہ متعین کرنے کے باوجود سرحد پر ہی احتجاجی مظاہرہ جاری رکھنے کا فیصلہ کیا۔ ٹکری بارڈر پر موجود کسانوں کا بھی احتجاج جاری ہے۔

یو این آئی، اردو کے ان پٹ کے ساتھ