پارلیمنٹ کی انیکسی بلڈنگ میں لگی آگ پر پایا گیا قابو، فی الحال کوئی جانی ومالی نقصان نہیں

نئی دہلی۔ پارلیمنٹ کی انیکسی بلڈنگ میں پیر کی صبح آگ لگ گئی۔ نیوز ایجنسی اے این آئی کے مطابق، آگ انیکسی بلڈنگ (Parliament Annexe Building Fire) کی چھٹی منزل پر لگی ہے۔ حالانکہ، جائے حادثہ پر فورا پہنچیں فائر بریگیڈ کی چار گاڑیوں نے جلد ہی آگ پر قابو پا لیا۔ آگ سے کسی بھی طرح کے جان و مال کے نقصان کی کوئی خبر نہیں ہے۔ اندازہ لگایا جا رہا ہے کہ آگ شارٹ سرکٹ کی وجہ سے لگی ہے۔ حالانکہ، اصل وجوہات کیا ہیں، اس کی جانچ کی جائے گی۔

Delhi: Fire breaks out on the 6th floor of the Parliament Annexe Building. 5 fire tenders present at the spot. More details awaited.

— ANI (@ANI) August 17, 2020

اس سے پہلے پچھلے ہفتے جمعہ کو ساوتھ بلاک میں وزارت دفاع کے ایک کمرے میں آگ لگ گئی تھی لیکن آگ سے جان ومال کا کوئی نقصان نہیں ہوا تھا۔ فائر بریگیڈ کی گاڑیوں نے جلد ہی آگ پر قابو پا لیا تھا۔

بتا دیں کہ دنیا کی باقی پارلیمنٹ کے مقابلے میں ہندستان کا سنسد بھون ابھی بھی نیا ہے۔ نئی دہلی کے سنسد مارگ پر واقع یہ بھون آج سے 92 سال پہلے 1927 میں بنا تھا۔ موجودہ حکومت ہند اب اس باوقار بھون کی دوبارہ ترقی کے بارے میں سوچ رہی ہے۔