سینے میں درد کی شکایت کے بعد سابق وزیر اعظم منموہن سنگھ ایمس میں داخل

سابق وزیر اعظم ڈٓاکٹر منموہن سنگھ کی اتوار کو طبیعت خراب ہونے کے بعد آل انڈیا انسٹی ٹیوٹ آف میڈیکل سائنسیز ایمس میں داخل کرایا گیا ہے ۔ منموہن سنگھ کو اتوار کی شام سینے میں درد کی شکایت ہوئی تھی ، جس کے بعد انہیں فورا ایمس میں بھرتی کرایا گیا ۔ 87 سالہ سابق وزیر اعظم کو ایمس کے کارڈیک نیورو سینٹر میں داخل کرایا گیا ہے ۔ موصولہ اطلاعات کے مطابق رات آٹھ بج کر 45 منٹ پر سابق وزیر اعظم کو ایمس لایا گیا ، جہاں ڈاکٹرس ان کی جانچ کررہے ہیں ۔

Delhi: Former Prime Minister Dr Manmohan Singh has been admitted to All India Institute of Medical Sciences (AIIMS) after complaining about chest pain (File pic) pic.twitter.com/a38ajJDNQP

— ANI (@ANI) May 10, 2020

قابل ذکر ہے کہ ڈاکٹر منموہن سنگھ 2004 سے 2014 تک ملک کے وزیر اعظم رہے ۔ اس سے پہلے وہ 1991 میں نرسمہا راو کی حکومت میں وزیر خزانہ رہے ۔ منموہن سنگھ کے وزیر خزانہ رہتے ہوئے ملک کے بازار کو غیر ملکی کمپنیوں کیلئے کھولا گیا ۔ منموہن سنگھ ریزرو بینک آف انڈیا کے پندرہویں گورنر رہے ۔ وہ راجیو گاندھی کی حکومت میں یوجنا آیوگ کے ڈپٹی چیئرمین بھی رہے ۔ حال ہی میں کووڈ 19 کی وجہ سے پیدا حالات کیلئے کانگریس نے ایک صلاح کار گروپ بنایا ہے ، جس کی صدارت منموہن سنگھ کررہے ہیں ۔