உங்கள் மாவட்டத்தைத் தேர்வுசெய்க

    Ghaziabad: آبروریزی کے بعد ہوا قتل؟ گھر کے باہر سے 2 بچیوں کا اغوا، ایک کی لاش ملنے سے ہنگامہ

    غازی آباد میں دو بچیوں کا اغوا، بڑی بچی کے ساتھ آبروریزی کے بعد قتل کا خدشہ

    غازی آباد میں دو بچیوں کا اغوا، بڑی بچی کے ساتھ آبروریزی کے بعد قتل کا خدشہ

    Rape And Murder in Ghaziabad: اترپردیش کے غازی آباد میں دو بچیوں کے اغوا کا سنسنی خیز معاملہ سامنے آیا ہے، جن میں سے ایک بچی کو صحیح سالم برآمد کرلیا گیا، جبکہ ایک بچی کی لاش ملی ہے۔ فی الحال، پولیس اس معاملے میں ملزم کو گرفتار کرچکی ہے اور اس اغوا معاملے کی گتھی سلجھانے کی کوشش کر رہی ہے۔

    • News18 Urdu
    • Last Updated :
    • Delhi | Ghaziabad | Lucknow | Noida | Bulandshahr
    • Share this:
      غازی آباد: یوپی کے غازی آباد میں دو بچیوں کی اغوا کرنے کا حیران کرنے والا معاملہ سامنے آیا ہے۔ غازی آباد کے مودی نگر کوتوالی علاقے کے روری گاوں سے جمعرات کی رات دو بچیوں کا اغوا ہوگیا تھا، جس میں سے ایک بچی کو پولیس نے دیر رات صحیح سلامت برآمد کرلیا، مگر ایک بچی کی لاش صبح جنگل میں ملی۔ پولیس کی مانیں تو بچی کا قتل گلا دباکر کیا گیا ہے۔

      دراصل، مودی نگر تھانہ علاقے کے روری گاوں میں جمعرات کی رات آپس میں سہیلی دو بچیاں گلی کے باہر کھیل رہی تھیں۔ ان میں ایک کی عمر 6 سال اور دوسری کی عمر نو سال ہے۔ کھیلتے کھیلتے دونوں بچیاں اچانک لاپتہ ہوگئیں۔ گاوں والوں کا کہنا ہے کہ گاوں کے ہی ایک نوجوان نے ان بچیوں کو اغوا کیا۔ بچیوں کے نہ ملنے پر اہل خانہ نے پولیس کو اطلاع دی۔ بچیوں کے اغوا کی اطلاع ملنے پر غازی آباد کے ایس ایس پی منیراج اور ایس پی دیہات ڈاکٹر ایرج راجا چار تھانوں کی پولیس فورس کے ساتھ موقع پر پہنچے اور جنگل میں سرچ آپریشن شروع کیا۔

      یہ بھی پڑھیں۔

      سی بی آئی کی ایف آئی آر میں نائب وزیر اعلیٰ Manish Sisodia نمبر 1 ملزم، کل 16 لوگوں کے نام

      یہ بھی پڑھیں۔

      لشکر طیبہ اور البدر کو حوالہ کے ذریعہ ٹیرر فنڈنگ کرنے کا الزام میں محمد یٰسین دہلی سے گرفتار

      سرچ آپریشن کے دوران دیر رات 6 سالہ ایک بچی کو صحیح سلامت برآمد کرلیا گیا، جبکہ آج صبح تقریباً ساڑھے پانچ بجے نو سالہ بچی کی لاش پاس کے ہی جنگل میں ملی۔ لاش کے گلے پر نشان ملے ہیں۔ پولیس نے لاش پوسٹ مارٹم کی بھیج دیا ہے۔

      ملزم کو بھی پولیس نے جنگل سے گرفتار کرلیا ہے۔ پولیس کئی اینگل سے جانچ کر رہی ہے۔ حالانکہ خدشہ ظاہر کیا جا رہا ہے کہ ملزم نے بچی کی آبروریزی کے بعد قتل کرکے لاش جنگل میں پھینکی ہوگی۔ اب پولیس پوسٹ مارٹم رپورٹ آنے کا انتظار کر رہی ہے۔
      Published by:Nisar Ahmad
      First published: