ہوم » نیوز » شمالی ہندوستان

گجرات فسادات کی تفتیش کیلئے قائم ایس آئی ٹی کے سربراہ راگھون کو بیماری کے سبب رخصت دیدی گئی

سپریم کورٹ نے 2002 گجرات فسادات کی تفتیش کے لئے قائم کی گئی خصوصی تفتیشی ٹیم (ایس آئی ٹی) کے سربراہ آر کے راگھون کو آج اس کام سے رخصت دے دی

  • UNI
  • Last Updated: Apr 13, 2017 05:53 PM IST
  • Share this:
  • author image
    NEWS18-Urdu
گجرات فسادات کی تفتیش کیلئے قائم ایس آئی ٹی کے سربراہ راگھون کو بیماری کے سبب رخصت دیدی گئی
سپریم کورٹ نے 2002 گجرات فسادات کی تفتیش کے لئے قائم کی گئی خصوصی تفتیشی ٹیم (ایس آئی ٹی) کے سربراہ آر کے راگھون کو آج اس کام سے رخصت دے دی

نئی دہلی: سپریم کورٹ نے 2002 گجرات فسادات کی تفتیش کے لئے قائم کی گئی خصوصی تفتیشی ٹیم (ایس آئی ٹی) کے سربراہ آر کے راگھون کو آج اس کام سے رخصت دے دی ۔ عدالت نے مرکزی تفتیشی بیورو (سی بی آئی) کے سابق سربراہ مسٹر راگھون کو صحت وجوہات کی بنیاد پر اس کام کی ذمہ داریوں سے رخصت دے دی ہے۔ مسٹر راگھون نے خراب صحت کا حوالہ دیتے ہوئے ایس آئی ٹی سربراہ کے کام سے رخصت دینے کی گزار ش کی تھی۔

اس معاملے کے عدالت دوست ہریش سالوے نے چیف جسٹس جے ایس کیہر، جسٹس ڈی وائی چندرچوڑ اور جسٹس سنجے کشن کول کی بنچ سے درخواست کی کہ مسٹر راگھون کو اس کام سے رخصت دے دی جانی چاہیے۔

عدالت عظمی نے ایس آئی ٹی رکن کے ونکٹیشن کو بھی ان کے کام سے رخصت دے دی۔ بنچ نے ایس آئی ٹی کے کام کاج کی تعریف کرتے ہوئے ایک دیگر رکن اے کے ملہوترا کو ایس آئی ٹی ٹیم کا فی الحال کام کاج سنبھالنے اور ہر تین مہینہ پر ٹیم کے کام کاج کی رپورٹ سونپنے کا حکم دیا ہے۔ خیال ر ہے کہ عدالت کی نگرانی میں ایس آئی ٹی گودھرا فسادات کے نو اہم معاملات کی تحقیقات کر رہی ہے، جس میں نرودا پاٹیا کا فساد بھی شامل ہے۔ اس فساد میں ایک کمیونٹی کے 11 افراد مارے گئے تھے۔

First published: Apr 13, 2017 05:53 PM IST