ہوم » نیوز » شمالی ہندوستان

کشمیر میں جنگجوؤں کے ہاتھوں ہلاک ہونے والے سابق سرپنچ رمضان شیخ کا مکان نذر آتش

جنوبی کشمیر کے ضلع شوپیان میں گزشتہ شام جنگجوؤں کے ہاتھوں ہلاک ہونے والے سابق سرپنچ کے رہائشی مکان کو شرپسندوں کے ایک گروپ نے آگ کے حوالے کردیا ہے۔

  • UNI
  • Last Updated: Oct 17, 2017 08:31 PM IST
  • Share this:
  • author image
    NEWS18-Urdu
کشمیر میں جنگجوؤں کے ہاتھوں ہلاک ہونے والے سابق سرپنچ رمضان شیخ کا مکان نذر آتش
جنوبی کشمیر کے ضلع شوپیان میں گزشتہ شام جنگجوؤں کے ہاتھوں ہلاک ہونے والے سابق سرپنچ کے رہائشی مکان کو شرپسندوں کے ایک گروپ نے آگ کے حوالے کردیا ہے۔

سری نگر: جنوبی کشمیر کے ضلع شوپیان میں گزشتہ شام جنگجوؤں کے ہاتھوں ہلاک ہونے والے سابق سرپنچ کے رہائشی مکان کو شرپسندوں کے ایک گروپ نے آگ کے حوالے کردیا ہے۔ سرکاری ذرائع نے بتایا کہ ضلع شوپیان کے ہوم ہونہ امام صاحب میں شرپسندوں کے ایک گروپ نے منگل کے روز پیپلز ڈیموکریٹک پارٹی (پی ڈی پی) سے وابستہ سابق سرپنچ مرحوم محمد رمضان شیخ کے گھر کو آگ لگادی۔

انہوں نے بتایا کہ یہ واقعہ مقامی جنگجو شوکت فلاحی کو سپرد خاک کئے جانے کے بعد پیش آیا۔ خیال رہے کہ جنگجوؤں کے ایک گروپ نے گذشتہ شام سابق سرپنچ محمد رمضان شیخ پر گولیاں چلاکر اسے ہلاک کیا۔ تاہم شیخ پر فائرنگ کے بعد اس کے افراد خانہ اور جنگجوؤں کے مابین ہوئی لڑائی کے دوران شوکت فلاحی نامی جنگجو مارا گیا۔

ریاستی پولیس سربراہ ڈاکٹر شیش پال وید کا واقعہ پر کہنا ہے ’3 جنگجوؤں نے سابق سرپنچ محمد رمضان پر گولیاں چلاکر اسے ہلاک کیا۔ تاہم طرفین کے مابین ہوئی لڑائی کے دوران شوکت نامی جنگجو مارا گیا‘۔ پولیس کے مطابق سابق سرپنچ کی ہلاکت میں ملوث جنگجوؤں کا تعلق حزب المجاہدین سے ہے۔

First published: Oct 17, 2017 08:31 PM IST