آئی آئی ٹی کانپورکی نمائش میں انسانی ذہنیت والا روبوٹ بنا توجہ مرکز

کانپور : کیا کبھی ایسا ممکن ہے کہ جو آپ سوچیں وہی سامنے والا سوچے، آپ کی پسند اور ناپسند سامنے والے کی بھی پسند اور ناپسند بن جائے۔ آپ کا جواب ہوگا نہیں، لیکن اب یہ ممکن ہے۔ آپ کی ہر پسند اور نا پسند کا خیال ایک روبوٹ رکھے گا۔کانپورآئی آئی ٹی میں ایک ایسے ہی روبوٹ بنایا گیا ہے ، جو برین اسینسگ کے ذریعے اموشنس کو سمجھتا ہے۔ اموشنس کے حساب سے ہی یہ روبوٹ رد عمل کا اظہار کرتا ہے۔
کانپور آئی آئی آئی ٹی میں ان دنوں فیسٹیول ٹیك كرت جاری ہے، جس میں ملک بیرون ملک کے طلبہ وطالبات اپنی جدید کاوشوں کی نمائش کر رہے ہیں۔ اس فیسٹیول میں روبوٹ مانو سب کی دلچسپی کا مرکز بنا ہوا ہے۔ فیسٹیول کے ایک اسٹال پر ڈانس کرتا یہ روبوٹ تمام لوگوں کی توجہ اپنی طرف مبذول کراتا ہے۔ لیکن یہ روبوٹ صرف ڈانس ہی نہیں کرتا سکتا ، بلکہ کئی طریقوں میں روبوٹکس میں آنے والی تبدیلیوں کا نمونہ ہے۔
یہ روبوٹ کسی بھی شخص کے اموشنس کو سمجھ کر اس کے حساب سے کام کرنے کی صلاحیت رکھتا ہے۔ انسانی دماغ کی کلوننگ کے ذریعے یہ روبوٹ ردعمل کر سکتا ہے۔ ٹیک كرت میں مانو نام کے روبوٹ کوپیش کرنے والے دیواکر کا کہنا ہے کہ اس روبوٹ میں ایک ڈیوائس لگا کر انسان کے دماغ کی کلوننگ کی گئی ہے۔ دماغ کی ہر سرگرمی کو سمجھنے کی یہ روبوٹ صلاحیت رکھتا ہے۔
مانو روبوٹ تھری ڈی پینٹگ ٹیکنالوجی سے بنایا گیا ہے، جس کی وجہ سے یہ بہت مضبوط اور ہلکا ہے۔ یہ روبوٹ کسی بھی شخص کی سرگرمیوں کو دیکھ کر سیکھ سکتا ہے۔ دیواکر کا کہنا ہے کہ آنے والے دنوں میں روبوٹکس کے میدان میں انقلاب آنے والا ہے ۔ ٹی وی، فرج یا اور اے سی کی طرح ہی روبوٹ بھی ہر گھر میں ہوں گے، جو لوگوں کو ان کے کاموں میں مدد کریں گے۔ وہ دن دور نہیں کہ گھروں میں نوکر کی جگہ روبوٹ کام کرتے نظر آئیں۔