ہوم » نیوز » شمالی ہندوستان

چین کے ساتھ کشیدگی کے درمیان فوجی تیاریوں کا جائزہ لینے کے لئے جنرل نروانے لداخ میں

جنرل نروانے نے ایک دن پہلے ہی ایک اعلی سطحی میٹنگ میں وزیر دفاع کو لداخ میں ایکچول لائن آف کنٹرول پر تازہ حالات سے مطلع کرایا تھا۔ انہوں نے حالات سے نمٹنے کے لئے فوج کی تیاریوں اور مستقبل کے منصوبے پر بھی تبادلہ خیال کیا تھا۔

  • UNI
  • Last Updated: Sep 03, 2020 01:44 PM IST
  • Share this:
چین کے ساتھ کشیدگی کے درمیان فوجی تیاریوں کا جائزہ لینے کے لئے جنرل نروانے لداخ میں
فوجی تیاریوں کا جائزہ لینے کے لئے جنرل نروانے لداخ میں

نئی دہلی۔ وزیر دفاع راج ناتھ سنگھ کو مشرقی لداخ میں تازہ واقعات کی اطلاع دینے کے ایک دن بعد فوج کے سربراہ جنرل مکند نروانے آج خود فوجی تیاریوں کاجائزہ لینے کے لئے دو دن کے دورے پر لداخ پہنچے۔ مشرقی لداخ میں ایکچول لائن آف کنٹرول پر چین کے ساتھ قریب چار مہینے سے جاری تعطل کے دوران پچھلے ہفتے ایک بار پھر تناؤ بڑھ گیا کیونکہ چین نے پیگونگ جھیل کے جنوبی کنارے کے نزدیک ایک بار پھر دونوں فریقوں کے اتفاق رائے کی خلاف ورزی کرتے ہوئے صورت حال کو بدلنے کی کوشش کی۔


ہندوستان فوج نے اس کوشش کو ناکام کردیا اور اس علاقے میں اپنا موقف مضبوط کرتے ہوئے اسٹریٹجک اہمیت کے اونچائی والے علاقوں پر ڈیرا ڈال لیا۔ اس کے بعد سے علاقے میں تناؤ بڑھ گیا ہے۔ فوج کے ذرائع کے مطابق فوج کے سربراہ آج صبح لداخ پہنچے جہاں وہ سینئر افسروں کے ساتھ فوج کے ذریعہ کی جارہی تیاریوں کا جائزہ لیں گے۔



جنرل نروانے نے ایک دن پہلے ہی ایک اعلی سطحی میٹنگ میں وزیر دفاع کو لداخ میں ایکچول لائن آف کنٹرول پر تازہ حالات سے مطلع کرایا تھا۔ انہوں نے حالات سے نمٹنے کے لئے فوج کی تیاریوں اور مستقبل کے منصوبے پر بھی تبادلہ خیال کیا تھا۔
ہندوستان کا کہنا ہے کہ چینی فوجیوں نے منگل کو ایک بار پھر جارحانہ سرگرمیوں کو انجام دینے کی کوشش کی تھی۔ چین مسئلوں کے حل کے لئے کمانڈر سطح کے مذاکرات جاری رہنے کے باوجود اس طرح کی حرکتیں کر حالات کو بگاڑنا چاہتا ہے۔
اس دوران تناؤ کم کرنے اور حالات معمول پر لانے کے لئے دونوں ملکوں کے فوجی افسروں کے درمیان بات چیت ہوچکی ہے لیکن اس کوئی پختہ نتیجہ سامنے نہیں آیا ہے۔
Published by: Nadeem Ahmad
First published: Sep 03, 2020 01:43 PM IST
corona virus btn
corona virus btn
Loading