ہوم » نیوز » شمالی ہندوستان

سیکورٹی کا مسئلہ حل ، دھرم شالہ میں ہی ہوگا میچ

نئی دہلی: ہندوستانی کرکٹ کنٹرول بورڈ (بی سی سی آئی) کے سکریٹری انوراگ ٹھاکر نے ایک بار پھر دہرایا ہے کہ دھرم شالہ میں ہندستان اور پاکستان کے درمیان ٹوئنٹی 20 ورلڈ کپ میچ کو لے کر سیکورٹی کا کوئی مسئلہ نہیں ہو گا اور یہ میچ اس میدان پر ہی کھیلا جائے گا ۔

  • UNI
  • Last Updated: Mar 03, 2016 07:04 PM IST
  • Share this:
  • author image
    NEWS18-Urdu
سیکورٹی کا مسئلہ حل ، دھرم شالہ میں ہی ہوگا میچ
نئی دہلی: ہندوستانی کرکٹ کنٹرول بورڈ (بی سی سی آئی) کے سکریٹری انوراگ ٹھاکر نے ایک بار پھر دہرایا ہے کہ دھرم شالہ میں ہندستان اور پاکستان کے درمیان ٹوئنٹی 20 ورلڈ کپ میچ کو لے کر سیکورٹی کا کوئی مسئلہ نہیں ہو گا اور یہ میچ اس میدان پر ہی کھیلا جائے گا ۔

نئی دہلی: ہندوستانی کرکٹ کنٹرول بورڈ (بی سی سی آئی) کے سکریٹری انوراگ ٹھاکر نے ایک بار پھر دہرایا ہے کہ دھرم شالہ میں ہندستان اور پاکستان کے درمیان ٹوئنٹی 20 ورلڈ کپ میچ کو لے کر سیکورٹی کا کوئی مسئلہ نہیں ہو گا اور یہ میچ اس میدان پر ہی کھیلا جائے گا ۔

ہماچل پردیش کرکٹ ایسوسی ایشن (ایچ پي سي اے) کے صدر ٹھاکر نے جمعرات کو یہاں اخباری نمائندوں سے کہا کہ میری کل ریاست کے وزیر اعلی ویر بھدر سنگھ کے ساتھ ملاقات ہوئی تھی، جو بہت مثبت رہی تھی اور مجھے وزیر اعلی سے یقین دہانی ملی ہے کہ وہ ان لوگوں سے بات چیت کریں گے جو اس میچ کی مخالفت کر رہے ہیں۔

ٹھاکر نے ساتھ ہی کہا کہ میں یہ بھی واضح کرنا چاہتا ہوں کہ یہ میچ عالمی کپ کا مقابلہ ہے اور دونوں ممالک کے درمیان دو طرفہ سیریز کا میچ نہیں ہے۔ہم دھرم شالہ میں دو طرفہ سیریز کا میچ نہیں کرا سکتے لیکن عالمی کپ کے میچ کا پروگرام ایک سال پہلے ہی طے ہو گیا تھا اور اب یہ راتوں رات تبدیل نہیں کیا جا سکتا۔

انہوں نے کہا کہ ہمیں اس مسئلہ کو بات چیت کے ذریعے حل کرنا چاہئے ۔کارگل جنگ کے بعد بھی 2005 میں پاکستانی ٹیم نے دھرم شالہ میں میچ کھیلا تھا۔ورلڈ کپ کا میچ ملک کا اعزاز ہے اور ہمیں اسے مکمل کرنا ضروری ہے۔

ٹھاکر نے کہا کہ ریاست کے وزیر اعلی کے ساتھ میری خوشگوار بات چیت ہوئی تھی۔ہم نے اس میٹنگ میں ہر پہلو پر بات کی۔ہمیں ریاستی حکومت سے مدد کی امید ہے اور ریاستی حکومت ان لوگوں سے بات کرے گی جو اس میچ کی مخالفت کر رہے ہیں۔اس میچ کے لیے بی سی سی آئی کی ہر طرح سے مکمل طور ہری جھنڈی ملی ہے اور باقی چیزوں کو دیکھنا ریاستی حکومت کا کام ہے۔

بی سی سی آئی کے سیکرٹری نے کہا کہ ہند پاک دو طرفہ سیریز اور ورلڈ کپ میچ دو مختلف مقابلے ہیں۔ہمارے اوپر ورلڈ کپ کی کامیاب میزبانی کا دباؤ ہے۔دھرم شالہ میچ کیلئے لوگوں نے پہلے سے ہی ہر طرح کی بکنگ کرا رکھی ہے اور آخری منٹ میں کسی طرح کی تبدیلی نہیں کی جا سکتی ہے اور ہم نے کوئی متبادل جگہ بھی طےنہیں کی ہے جیسا میڈیا رپورٹس میں کہا جا رہا ہے۔
ٹھاکر نے کہا کہ ہم سب پٹھان کوٹ حملے کی مذمت کرتے ہیں اور ہم سب شہیدوں کے ساتھ ہیں ۔ لیکن اس میچ کا انعقاد بھی ملک کے اعزاز و احترام سے منسلک معاملہ ہے اور ہمیں اس میچ کو منعقد کرنا ہے۔بورڈ سکریٹری نے کہاکہ حال میں آسام میں ہوئے 12 ویں جنوبی ایشیائی کھیلوں میں تقریبا 500 پاکستانی کھلاڑیوں نے حصہ لیا تھا اور اس کے بعد کوئی مخالفت نہیں ہوئی تھی ۔ یہ ورلڈ کپ کا میچ ہے، کوئی دو طرفہ سیریز نہیں جس کے لئے اتنی مخالفت کی جائے۔
دھرم شالہ میچ کو لے کر سیکورٹی فورسز کی تعیناتی کے امکان کے معاملے پر ٹھاکر نے کہا کہ سیکورٹی فورسز کی تعیناتی کی نوبت نہیں آنی چاہیے۔مجھے یقین ہے کہ ہندوستان ایک محفوظ ملک ہے اور اس میں سیکورٹی کا کوئی مسئلہ نہیں ہو گا۔ پاکستان کو سیکورٹی کو لے کر فکر کرنے کی ضرورت نہیں ہے اور یہ ریاستی حکومت اور بی سی سی آئی کا معاملہ ہے۔

First published: Mar 03, 2016 07:04 PM IST
corona virus btn
corona virus btn
Loading