ہوم » نیوز » شمالی ہندوستان

شام سے واپس لوٹ رہا شخص دہلی ایئرپورٹ پر گرفتار، داعش سے وابستہ ہونے کا شبہ

دہلی پولیس کی اسپیشل ٹیم نے اندرا گاندھی ایئرپورٹ سے شاہجہاں ویلوا کینڈی نامی ایک شخص کو گرفتار کیا ہے

  • Share this:
شام سے واپس لوٹ رہا شخص دہلی ایئرپورٹ پر گرفتار، داعش سے وابستہ ہونے کا شبہ
دہلی پولیس کی اسپیشل ٹیم نے اندرا گاندھی ایئرپورٹ سے شاہجہاں ویلوا کینڈی نامی ایک شخص کو گرفتار کیا ہے

نئی دہلی : دہلی پولیس کی اسپیشل ٹیم نے اندرا گاندھی ایئرپورٹ سے شاہجہاں ویلوا کینڈی نامی ایک شخص کو گرفتار کیا ہے ۔ اس شخص پر اسلامک اسٹیٹ داعش سے وابستہ ہونے کا شبہ ہے ۔ بتایا جا رہا ہے کہ وہ شام اور ترکی میں رہ کر واپس لوٹ رہا تھا ۔ گرفتار ملزم کیرالہ کے كننور کا رہنے والا ہے ۔


دہلی پولیس کو سی آئی اے کی جانب سے معلومات دی گئی تھی کہ آئی ایس سے وابستہ ایک شخص ہندوستان آ رہا ہے ، وہ شام اور ترکی میں رہ چکا ہے ۔ اطلاعات کے مطابق ترکی پولیس نے اسے ڈپورٹ کیا تھا کیونکہ وہ فرضی پاسپورٹ کی مدد سے سفر کر رہا تھا ۔


بتایا جارہا ہے کہ شاہجہاں کیرالہ میں کچھ مشتبہ افراد کے رابطے میں رہا ہے ۔ یہ چنئی سے ایک ایجنٹ کے ذریعے محمد اسماعیل کے نام سے فرضی پاسپورٹ بنوا کر گیا تھا ۔ اس کے موبائل سے ٹیلی گرام کی کئی چیٹ اور آئی ڈی ملی ۔ فی الحال اس کو فرضی پاسپورٹ کے معاملہ میں گرفتار کیا گیا ہے ۔ دہشت گرد تنظیم داعش سے تعلقات کو لے کر بھی اس کی جانچ ہو رہی ہے ۔

First published: Jul 12, 2017 10:06 AM IST
corona virus btn
corona virus btn
Loading