ہوم » نیوز » شمالی ہندوستان

مشہور اسلامی اسکالر اور الرسالہ کے مدیر مولانا وحیدالدین خاں کا انتقال

مشہور اسلامی اسکالر اور عالم اسلام کی معروف شخصیت اور الرسالہ کے مدیر مولانا وحیدا لدین خاں کا آج رات پونے دس بجے دہلی کے ایک پرائیویٹ اسپتال میں انتقال ہوگیا۔ ان کی عمر تقریباً 96 سال تھی۔ پسماندگان میں دو بیٹے اوردو بیٹیاں ہیں۔

  • UNI
  • Last Updated: Apr 22, 2021 12:44 AM IST
  • Share this:
مشہور اسلامی اسکالر اور الرسالہ کے مدیر مولانا وحیدالدین خاں کا انتقال
مشہور اسلامی اسکالر اور الرسالہ کے مدیر مولانا وحیدالدین خاں کا انتقال

نئی دہلی : مشہور اسلامی اسکالر اور عالم اسلام کی معروف شخصیت اور الرسالہ کے مدیر مولانا وحیدا لدین خاں کا آج رات پونے دس بجے دہلی کے ایک پرائیویٹ اسپتال میں انتقال ہوگیا۔ ان کی عمر تقریباً 96 سال تھی۔ پسماندگان میں دو بیٹے اوردو بیٹیاں ہیں۔


مولاوحیدالدین خاں کافی عرصے بیمار چل رہے تھے۔ کچھ دنوں قبل انہیں دہلی کے ایک پرائیویٹ اسپتال میں داخل کرایا گیا تھا۔ ان کی پیدائش یکم جنوری 1925کو اعظم گڑھ کے دور افتادہ گاؤں بڈھیریا میں ہوئی تھی۔ وہ باضابطہ عالم نہیں تھے لیکن وہ علم کا خزانہ تھے۔ عربی، انگریزی اردو اور دیگر زبانوں پر عبور حاصل تھا۔ انہوں نے اسلام پر کتابیں لکھنے کے علاوہ تفسیر بھی لکھی اور متعدد اصلاحی کتابیں تنصیف کی۔



وہ درجنوں کتابوں کے مصنف تھے۔ انہوں نے جواہر لال نہرو، مولانا حسین احمد مدنی، سبھاش چندر وغیرہ بھی کو دیکھا تھا اور ان کی تقریریں سنی تھیں۔ مولانا کے انتقال سے عالم اسلام اور دنیا ایک بہترین اسکالر سے محروم ہوگئی ہے۔

نیوز 18  اردو کے ساتھ ستمبر 2018 میں مولانا وحید الدین خان کی خاص گفتگو نیچے دیکھئے



مولانا نے رسالہ نکال کر منفی سوچ سے مثبت سوچ کی طرف لیجانے کی کوشش۔ ان کی حیثیت ایک مصلح کی تھی۔ وہ ہمیشہ مثبت کی طرف چلنے کا مشورہ دیتے تھے۔ وہ عرصہ تک جمعیۃ علمائے ہند سے بھی وابستہ رہے۔
Published by: Imtiyaz Saqibe
First published: Apr 22, 2021 12:44 AM IST