شاہ فیصل کے استعفی پر جموں و کشمیر کے سابق وزیر اعلی عمر عبد اللہ نے کہا : سیاست کی دنیا میں خیرمقدم

جموں و کشمیر کے پہلے آئی اے ایس ٹاپر شاہ فیصل نے اپنے عہدہ سے استعفی دیدیا ہے ۔ کہا جارہا ہے کہ وہ اس مرتبہ لوک سبھا کا الیکشن لڑ سکتے ہیں ۔ انہوں نے استعفی کے بعد ایک بیان جاری کرتے ہوئے کہا کہ وہ کشمیر میں تشدد کی مخالفت کرتے ہیں ۔ اپنے استعفی کو لے کر شاہ فیصل جمعہ کو پریس کانفرنس بھی کریں گے ۔
شاہ فیصل کے استعفی پر نیشنل کانفرنس کے نائب صدر اور سابق وزیر اعلیٰ عمر عبداللہ نے ٹویٹ کرتے ہوئے کہا کہ وہ شاہ فیصل کا سیاست کی دنیا میں خیرمقدم کرتے ہیں۔ انہوں نے کہا کہ بیوروکریسی کا نقصان ، سیاست کا فائدہ ہوا ہے۔ شاہ فیصل کا سیاست کی دنیا میں خیرمقدم کرتا ہوں۔

The bureaucracy’s loss is politics’ gain. Welcome to the fold @shahfaesal. https://t.co/955C4m5T6V

— Omar Abdullah (@OmarAbdullah) January 9, 2019

عمر عبداللہ نے ایک اور ٹویٹ میں کہا کہ شاہ فیصل اپنے مستقبل کے منصوبوں کا اعلان خود کریں گے۔ انہوں نے کہا میں نے شاہ فیصل کا سیاست کی دنیا میں خیرمقدم کیا ہے۔ وہ اپنے مستقبل کے سیاسی منصوبوں کا خود اعلان کریں گے۔