جموں ۔ کشمیر : گورنر کے اسمبلی تحلیل کے بعد عمرعبد اللہ بولے محض یہ اتفاق نہیں ہوسکتا

اسمبلی کو تحلیل کرنے  کے گورنر کے فیصلے کے بعد عمر عبد اللہ نے ٹویٹ کیا ، " نیشنل کانفرنس گزشتہ پانچ ماہ سے اسمبلی تحلیل کرنے کا مطالبہ کر رہا تھا۔ یہ کوئی اتفاق نہیں ہو سکتا ہے کہ سابق ویر اعلی محبوبہ مفتی کے حکومت بنانے کے دعوے کے منٹوں بعد ہی گورنر نے اسمبلی کو تحلیل کر نے کا فیصلہ کیا ہو "۔

پی ڈی پی صدر محبوبہ مفتی کے ذریعے حکومت بنانے کا دعوی پیش کئے جانے کے کچھ ہی دیر بعد جموں ۔ کشمیر کے گورنر ستیہ پال ملک نے بدھ کی رات ریاستی اسمبلی کو تحلیل کردیا اور ساتھ ہی کہا کہ جموں کشمر کے آئین کے متعلقہ احکامات کے مطابق یہ کارروائی کی گئ ہے۔ ایک سرکاری بیان میں یہ جانکاری دی گئی ہے۔

جموں ۔ کشمیر میں پی ڈی پی ۔ این سی ۔ کانگریس کو بڑا جھٹکا ، گورنرستیہ پال نے اسمبلی کو کیا تحلیل

عمر عبد اللہ کا ٹویٹ

JKNC has been pressing for assembly dissolution for 5 months now. It can’t be a coincidence that within minutes of Mehbooba Mufti Sahiba letter staking claim the order to dissolve the assembly suddenly appears.

— Omar Abdullah (@OmarAbdullah) November 21, 2018

اس سے پہلے جموں کشمیر کی سابق وزیر اعلی  اور پی ڈی پی کی صدر محبوبہ مفتی  کانگریس اور نیشنل کانفرنس کی حمایت سے جموں کشمیر میں حکومت بنانے کا دعوی پیش کیا تھا۔ محبوبہ مفتی نے آج ریاستی گورنر ستیہ پال ملک کو لکھے خط میں کہا تھا کہ ریاستی اسمبلی میں پی ڈی پی سب سے بڑی پارٹی ہے جس کے 29 ممبر ہیں۔