ہوم » نیوز » جموں وکشمیر

جموں۔کشمیر: 7 ماہ کے بعد فاروق عبداللہ نے بیٹے عمر عبداللہ سے کی ملاقات، ہوئے جذباتی

نیشنل کانفرنس کے صدر اور سابق وزیر اعلیٰ ڈاکٹر فاروق عبداللہ نے اپنی رہائی کے دوسرے دن ہی ہفتہ کے روز اپنے فرزند اور پارٹی کے نائب صدر عمر عبداللہ کے ساتھ یہاں ہری نواس سب جیل میں ملاقات کی۔

  • UNI
  • Last Updated: Mar 14, 2020 04:08 PM IST
  • Share this:
جموں۔کشمیر: 7 ماہ کے بعد فاروق عبداللہ نے بیٹے عمر عبداللہ سے کی ملاقات، ہوئے جذباتی
نیشنل کانفرنس کے صدر اور سابق وزیر اعلیٰ ڈاکٹر فاروق عبداللہ نے اپنی رہائی کے دوسرے دن ہی ہفتہ کے روز اپنے فرزند اور پارٹی کے نائب صدر عمر عبداللہ کے ساتھ یہاں ہری نواس سب جیل میں ملاقات کی۔

سری نگر: نیشنل کانفرنس کے صدر اور سابق وزیر اعلیٰ ڈاکٹر فاروق عبداللہ نے اپنی رہائی کے دوسرے دن ہی ہفتہ کے روز اپنے فرزند اور پارٹی کے نائب صدر عمر عبداللہ کے ساتھ یہاں ہری نواس سب جیل میں ملاقات کی۔ ذرائع کے مطابق ڈاکٹر فاروق عبداللہ نے جمعہ کے روز اپنی رہائی کے بعد جموں و کشمیر حکام سے اپنے بیٹے عمر عبداللہ کے ساتھ ملاقات ہونے کی اجازت طلب کی تھی جس کو منظوری دی گئی۔

انہوں نے بتایا کہ دونوں باپ بیٹے نے تقریبا ایک گھنٹے تک ملاقات کی اور یہ منظر انتہائی جذباتی تھا۔ پارٹی ذرائع نے بتایا کہ یہ صرف پارٹی کے دو بڑے لیڈروں کے درمیان طویل عرصے کی بعد ملاقات ہی نہیں بلکہ ایک باپ اپنے محبوس بیٹے کو زائد از سات ماہ کے بعد مل رہا تھا۔

بتادیں کہ جموں و کشمیر حکومت نے جمعہ کے روز ڈاکٹر فاروق عبداللہ کی نظر بندی ختم کردی۔ وہ مرکزی حکومت کی طرف سے گزشتہ سال پانچ اگست کے آئینی دفعات 370 و 35 کے تنسیخ اور ریاست کو دو وفاقی حصوں میں منقسم کرنے کے فیصلوں کے پیش نظر زائد از سات ماہ سے نظر بند تھے۔

دو سابق وزرائے اعلیٰ عمر عبداللہ اور محبوبہ مفتی کے علاوہ کئی سیاسی جماعتوں کے لیڈران سال گزشتہ پانچ اگست سے مسلسل نظر بند ہیں۔

First published: Mar 14, 2020 04:04 PM IST