ہوم » نیوز » شمالی ہندوستان

جے این یو نے کنہیا کی سیکورٹی سے کھڑے کئے ہاتھ ، کہا : اتنا خرچ برداشت نہیں کر سکتے

یونیورسٹی نے کمار کو ایک نوٹس بھیج کر کہا ہے کہ ان کی سیکورٹی پر پانچ لاکھ روپے خرچ ہو چکے ہیں ۔ اس رقم کی منظوری کے بعد ہی اس کی سیکورٹی جاری رکھی جا سکتی ہے

  • Agencies
  • Last Updated: Aug 09, 2016 01:07 AM IST
  • Share this:
  • author image
    NEWS18-Urdu
جے این یو نے کنہیا کی سیکورٹی سے کھڑے کئے ہاتھ ، کہا : اتنا خرچ برداشت نہیں کر سکتے
کنہیا کمار، فائل فوٹو

نئی دہلی : جے این یو نے طلبہ یونین کے صدر کنہیا کمار کو دی گئی سیکورٹی کور واپس لے لی ہے ۔ خیال رہے کہ کنہیا کمار غداری کے ایک کیس میں ضمانت پر باہر ہیں ۔ یونیورسٹی نے کمار کو ایک نوٹس بھیج کر کہا ہے کہ ان کی سیکورٹی پر پانچ لاکھ روپے خرچ ہو چکے ہیں ۔ اس رقم کی منظوری کے بعد ہی اس کی سیکورٹی جاری رکھی جا سکتی ہے ۔


یونیورسٹی کے ایک سینئر افسر نے کہا کہ ہائی کورٹ کے حکم پر دہلی پولیس کنہیا کو پہلے ہی سیکورٹی مہیا کرا رہی ہے ۔ اس کیمپس میں نجی سیکورٹی کی ضرورت کم ہی ہے ۔ انہوں نے کہا کہ وائس چانسلر نے اسے واپس لینے کا فیصلہ کیا ہے اور اہم سیکورٹی افسر کو آگاہ کر دیا گیا ہے ۔


یونیورسٹی کسی ایک شخص کی ذاتی حفاظت کے لئے اتنا خرچ برداشت نہیں کر سکتی ۔ قابل ذکر ہے کہ پارلیمنٹ حملے کے مجرم افضل گرو کی پھانسی کے خلاف کیمپس میں ایک پروگرام کو لے کر بغاوت کے الزام میں کنہیا کو اس سال فروری میں گرفتار کیا گیا تھا ۔ اس پروگرام میں مبینہ طور پر ملک مخالف نعرے بازی کی گئی تھی ۔

First published: Aug 09, 2016 12:49 AM IST
corona virus btn
corona virus btn
Loading