مہاراشٹرا اسمبلی میں کرناٹک سرحدی تنازعہ کے گونج متوقع، اپوزیشن نے طلب کی امیت شاہ-وزیراعلیٰ میٹنگ کی تفصیلات

کرناٹک-مہاراشٹر سرحدی تنازعہ (Karnataka-Maharashtra border row) پیر سے شروع ہونے والے مہاراشٹر اسمبلی کے سرمائی اجلاس میں سامنے آنے والا ہے۔ ریاست کے نائب وزیر دیویندر فڑنویس نے ہفتہ کو کہا کہ اس سلسلے میں ایک تجویز اسمبلی میں منظور کی جائے گی۔ ان کے تبصرے اس وقت سامنے آئے جب ریاست نے حکمران اتحاد اور اپوزیشن کے درمیان ایک بڑا آمنا سامنا دیکھا جس میں سرکردہ لیڈران پیدل مارچ کر رہے تھے۔

یہ سرحدی تنازعہ ایک دہائیوں پرانا مسئلہ ہے۔ جو کہ اب ایک بار پھر سامنے آیا ہے یہاں تک کہ بی جے پی ریاستوں اور مرکز دونوں میں حکومت کر رہی ہے۔ اس ہفتے کے شروع میں مرکزی وزیر داخلہ امت شاہ نے اس معاملے پر دونوں ریاستوں کے وزرائے اعلی بسوراج بومائی اور ایکناتھ شندے کے ساتھ میٹنگ کی۔

امیت شاہ نے میٹنگ کے بعد کہا کہ کوئی بھی ریاست متنازعہ علاقے پر دعویٰ نہیں کرے گی۔ انھوں نے اس بات پر زور دیا کہ چھ رکنی وزارتی ٹیم اس معاملے پر بات چیت کے لیے ایک ساتھ بیٹھیں گے۔ جس میں مہاراشٹرا اور کرناٹک کے تین وزراء شامل ہیں۔ یہ وزراء دونوں ریاستوں کے درمیان دیگر زیر التوا مسائل پر بھی بات کریں گے۔

یہ بھی پڑھیں: 

• لکھنؤ یونیورسٹی کے ہاسٹل میں رات 10بجے کے بعد انٹری اور اگزٹ بند، گائیڈ لائن جاری


• ہفتے میں صرف 20گھنٹے کام کرتی ہے لڑکی، پھر بھی مہینے میں کما لیتی ہے 8 لاکھ روپئے!


• بلیک بولڈ آؤٹ فٹ میں مونالیسا کو دیکھ کر سوشل میڈیا یوزرس نے کئے قابل اعتراض کمینٹس


• وادی میں کرسمس تک صاف رہے گا موسم، خشک سردی کرسکتی ہے پریشان

انہوں نے میٹنگ کے بعد ایک بریفنگ میں بتایا کہ دونوں فریقوں نے اس بات پر اتفاق کیا ہے کہ تنازعہ سڑک پر حل نہیں کیا جا سکتا، بلکہ صرف آئینی طریقوں سے حل کیا جاسکتا ہے۔ ہفتہ کو مہاراشٹر کے اپوزیشن لیڈر اجیت پوار نے ملاقات کی تفصیلات کو عام کرنے کی مانگ کی۔ پوار نے خبر رساں ایجنسی اے این آئی کے حوالے سے کہا کہ کرناٹک اور مہاراشٹر کے وزرائے اعلیٰ کی امیت شاہ کے ساتھ بات چیت کو عام کیا جانا چاہیے۔ اگر ریاستی حکومت سرحدی مسائل پر تجاویز لاتی ہے تو ہم اس کی حمایت کریں گے۔

اجیت پوار نے مزید کہا کہ ہمارا پرانا مطالبہ ہے کہ بیلگاوی، نیپانی، کاروار اور دیگر سرحدی علاقوں کو مہاراشٹر کے ساتھ ملایا جائے۔ وہیں فڑنویس نے ہفتہ کو کہا کہ شنڈے سرحدی تنازع پر تجویز کو اسمبلی میں پیش کریں گے۔ انہوں نے مزید کہا کہ ہم ریاستی اسمبلی کے سرمائی اجلاس میں کرناٹک-مہاراشٹرا سرحدی تنازعہ سے متعلق ایک تجویز پاس کریں گے۔