உங்கள் மாவட்டத்தைத் தேர்வுசெய்க

    کشمیر میں لوگوں میں علاحدگی پسندی پیدا کر دے گا پیلٹ گن کا استعمال : آزاد

    غلام نبی آزاد ۔ فائل فوٹو

    غلام نبی آزاد ۔ فائل فوٹو

    آزاد نے یہ بھی کہا کہ کشمیر سے مرکزی وزیر داخلہ راج ناتھ سنگھ کی واپسی کے فورا بعد آیا سی آر پی ایف کے ڈائریکٹر جنرل کا یہ بیان اس طرف اشارہ کرتا ہے کہ اسے حکومت کی رضامندی حاصل تھی۔

    • Agencies
    • Last Updated :
    • Share this:
      نئی دہلی : کانگریس کے سینئر لیڈر غلام نبی آزاد نے سی آر پی ایف کے سربراہ کے اس بیان پر مایوسی کا اظہار کیا ہے کہ کشمیر میں سی آر پی ایف کے پاس پیلٹ گن استعمال کرنے کے علاوہ اور کوئی چارہ نہیں ہے اور یہ کہ یہ وہاں کے لوگوں خاص طور پر نوجوانوں کو علاحدگی پسندی کی راہ پر مزید دھکیل دے گا۔
      آزاد نے یہ بھی کہا کہ کشمیر سے مرکزی وزیر داخلہ راج ناتھ سنگھ کی واپسی کے فورا بعد آیا سی آر پی ایف کے ڈائریکٹر جنرل کا یہ بیان اس طرف اشارہ کرتا ہے کہ اسے حکومت کی رضامندی حاصل تھی۔
      سینئر کانگریسی لیڈر نے کہا کہ سی آر پی ایف کے ڈی جی کا بیان پڑھ کر میں بہت بے چین ہوں اور میں بہت پریشان هوں ، يه ناقابل برداشت ہے۔ راجیہ سبھا میں اپوزیشن لیڈر آزاد نے کہا کہ مجھے افسوس ہے کہ حکومت نے اس طرح کا فیصلہ کیا۔ یہ جموں و کشمیر کے عوام خاص طور پر نوجوانوں کو علاحدگی پسندی کی راہ پر دھکیل دے گا، کیونکہ زیادہ تر نوجوانوں کو اس طرح کے برتاؤ سے گزنا پڑا ہے ، کیونکہ وہ مخالفت کرنے میں پیش پیش تھے۔
      First published: