ہوم » نیوز » شمالی ہندوستان

ایک سینئر لیڈر کا انتقال ہوا، ابھی بجٹ پیش کرنا غیر انسانی ہو گا: ملکا ارجن کھڑگے

نئی دہلی۔ سابق مرکزی وزیر ای احمد کے انتقال کے بعد کانگریس لیڈر ملکا ارجن کھڑگے نے بجٹ کو 1 دن کے لئے ٹالنے کی مانگ کی ہے۔

  • Share this:
  • author image
    NEWS18-Urdu
ایک سینئر لیڈر کا انتقال ہوا، ابھی بجٹ پیش کرنا غیر انسانی  ہو گا: ملکا ارجن کھڑگے
فائل فوٹو

نئی دہلی۔ سابق مرکزی وزیر ای احمد کے انتقال کے بعد کانگریس لیڈر ملکا ارجن کھڑگے نے بجٹ کو 1 دن کے لئے ٹالنے کی مانگ کی ہے۔ کھڑگے نے کہا کہ ایک سینئر لیڈر کا انتقال ہوا ہے۔ اب بجٹ پیش کرنا غیر انسانی ہوگا۔ بتا دیں کہ بدھ کو آج عام بجٹ کے ساتھ ریل بجٹ پیش ہونا ہے۔


کھڑگے نے کہا کہ حکومت اگر 1 دن کے لئے بجٹ کو ٹال دیتی ہے تو اس کا کوئی نقصان نہیں ہوگا۔ اس کی حمایت میں جے ڈی یو اور سابق وزیر اعظم دیو گوڑا بھی ہیں۔ انہوں نے الزام لگایا کہ ای احمد کے انتقال کی اطلاع حکومت کو پہلے ہی تھی، لیکن اس کا اعلان تاخیر سے کیا گیا۔


بتا دیں کہ آج رات رکن پارلیمنٹ ای احمد کا دل کا دورہ پڑنے سے انتقال ہو گیا۔ رات تقریبا سوا دو بجے انہوں نے دہلی کے رام منوہر لوہیا ہسپتال میں آخری سانس لی۔ پارلیمانی روایت کے مطابق کسی بھی ممبر پارلیمنٹ کے انتقال پر ایوان کی کارروائی کو ایک دن کے لیے ملتوی کیا جاتا ہے، لیکن بجٹ کی اہمیت کو دیکھتے ہوئے حکومت نے بجٹ پیش کرنے کا فیصلہ کیا ہے۔

First published: Feb 01, 2017 11:40 AM IST
corona virus btn
corona virus btn
Loading