اپنا ضلع منتخب کریں۔

    رجیجو کا پلٹ وار ، ہزاروں سال کی غلامی کے لئے جے چند ذمہ دار

    داخلہ کے مرکزی وزیرمملکت کرن رجیجو: فائل فوٹو۔

    داخلہ کے مرکزی وزیرمملکت کرن رجیجو: فائل فوٹو۔

    سرجیکل اسٹرائیک پر اٹھ رہے سوالات اور کانگریس نائب صدر راہل گاندھی کے وزیر اعظم مودی پر حملے کے درمیان وزیر داخلہ کرن رجیجو نے پلٹ وار کیا ہے ۔ رجیجو نے ٹویٹ کر کے کہا ہے کہ ہماری ہزاروں سال کی غلامی اور شکست کے لئے ہمارے جے چند ہی ذمہ دار ہیں ، ہم اس لئے نہیں ہارے اور لوٹے گئے کہ ہم کمزور تھے

    • Pradesh18
    • Last Updated :
    • Share this:
      نئی دہلی : سرجیکل اسٹرائیک پر اٹھ رہے سوالات اور کانگریس نائب صدر راہل گاندھی کے وزیر اعظم مودی پر حملے کے درمیان وزیر داخلہ کرن رجیجو نے پلٹ وار کیا ہے ۔ رجیجو نے ٹویٹ کر کے کہا ہے کہ ہماری ہزاروں سال کی غلامی اور شکست کے لئے ہمارے جے چند ہی ذمہ دار ہیں ، ہم اس لئے نہیں ہارے اور لوٹے گئے کہ ہم کمزور تھے ۔

      رجیجو کا یہ ٹویٹ کانگریس نائب صدر راہل گاندھی کے وزیر اعظم نریندر مودی پر کئے گئے اس حملے کے بعد سامنے آیا ہے ، جس میں انہوں نے کہا کہ وزیر اعظم جوانوں کے خون کے پیچھے چھپ رہے ہیں اور ان کے خون کی دلالی کر رہے ہیں ۔

      راہل نے یہ بیان جمعرات کو جنتر منتر پر اپنی کسان یاترا کے اختتام کے موقع پر دیا ۔ جوانوں کی خون سے دلالی کرنے کے راہل کے الزام کے بعد سیاست گرما گئی ہے ۔ بی جے پی لیڈروں نے جوابی حملہ کرتے ہوئے کہا کہ دلالی سے راہل کا پرانا رشتہ ہے ۔

      بی جے پی کے قومی سکریٹری سری کانت شرما نے کہا کہ راہل گاندھی کا بیان شرمناک ہے ۔ یہ ان کے ذہنی دیوالیہ پن کو ظاہر کرتا ہے ۔ جوان دہشت گردی کی نذر ہورہے ہیں ۔ ملک فوج اور وزیر اعظم کو سلام کر رہا ہے ۔ وہ فرسٹریشن میں ایسی بات کر رہے ہیں ۔ راہل اور کانگریس پارٹی کا دلالی سے گہرا تعلق رہا ہے ۔  2 جی، دولت مشترکہ ، کولگیٹ گھوٹالہ اس کی مثال ہیں ۔ عوام میں غم و غصہ ہے اور عوام اس کا بدلہ لیں گے ۔
      First published: