مایاوتی بولیں۔ عدنان سمیع کو پدم شری تو پاکستانی مسلمانوں کو پناہ کیوں نہیں؟

لکھنؤ۔ بہوجن سماج پارٹی(بی ایس پی) سپریمو مایاوتی نے پاکستانی گلوکار عدنان سمیع کو ہندوستان کی شہریت اور پدم شری سے نوازنے کے بعد حکومت سے سوال پوچھا ہے کہ وہ باقی ظلم وزیادتی کے شکار مسلمانوں کو شہریت کیوں نہیں دے سکتی؟۔ بی ایس پی سپریمو نے منگل کو اپنے ایک ٹوئٹ میں لکھا کہ’’پاکستانی گلوکار عدنان سمیع کو جب بی جے پی حکومت شہریت اور پدم شری اعزاز سے بھی نواز سکتی ہے تو پھر ظلم وزیادتی کے شکار پاکستانی مسلمانوں کو وہاں کے ہندو، سکھ، عیسائی وغیرہ کی طرح سی اے اے کے تحت پناہ کیوں نہیں دے سکتی ہے۔ لہذا مرکزی حکومت سی اے اے پر دوبارہ غور وخوض کرے تو بہتر ہوگا۔

पाकिस्तानी मूल के गायक अदनान समी को जब बीजेपी सरकार नागरिकता व पद्मश्री से भी सम्मानित कर सकती है तो फिर जुल्म-ज्यादती के शिकार पाकिस्तानी मुसलमानों को वहाँ के हिन्दू, सिख, ईसाई आदि की तरह यहाँ CAA के तहत पनाह क्यों नहीं दे सकती है? अतः केन्द्र CAA पर पुनर्विचार करे तो बेहतर होगा

— Mayawati (@Mayawati) January 28, 2020

قابل ذکر ہے کہ عدنان سمیع کو پدم شری دینے کے اعلان کے بعد سے ہی اس پر سیاست تیز ہوگئی ہے اور اپوزیشن پارٹیاں حکمراں جماعت پر سوال کھڑی کررہی ہیں۔ کانگریس نے اسے مودی حکومت کی چمچہ گیری کا فائدہ تو این سی پی نے 130 کروڑ ہندوستانیوں کی بے عزتی سے تعبیر کیا ہے۔ تو وہیں، مہاراشٹر نونرمان سینا نے بھی سمیع کو پدم شری دینے کی مخالفت کی ہے۔

کانگریس ترجمان جےویر شیر گل نے ٹوئٹ کیا کہ کارگل کے جانباز ثناءاللہ کو درانداز قرار دیا گیا جبکہ سمیع کو پدم شری سے نوازا جارہا ہے جن کے والد نے پاکستانی فضائیہ میں رہ کر ہندوستان کے خلاف گولہ باری کی تھی؟۔