ہوم » نیوز » شمالی ہندوستان

پی این بی گھوٹالہ : نیرو مودی اور میہول چوکسی کے پاسپورٹ فوری طور پر 4 ہفتوں کیلئے منسوخ

وزارت خارجہ نے پنجاب نیشنل بینک دھوکہ دہی کے ملزموں نیرو دیپک مودی اور میهول چنوبھائی چوکسی کے پاسپورٹ فوری طور پر چار ہفتوں کے لئے منسوخ کر دیا ہے۔

  • UNI
  • Last Updated: Feb 16, 2018 05:58 PM IST
  • Share this:
  • author image
    NEWS18-Urdu
پی این بی گھوٹالہ : نیرو مودی اور میہول چوکسی کے پاسپورٹ فوری طور پر 4 ہفتوں کیلئے منسوخ
نیرو مودی

نئی دہلی : وزارت خارجہ نے پنجاب نیشنل بینک دھوکہ دہی کے ملزموں نیرو دیپک مودی اور میهول چنوبھائی چوکسی کے پاسپورٹ فوری طور پر چار ہفتوں کے لئے منسوخ کر دیا ہے۔وزارت خارجہ کی طرف سے آج جاری ریلیز میں کہا گیا ہے کہ انفورسمنٹ ڈائرکٹوریٹ کے مشورہ پر پاسپورٹ ایکٹ 1967 کی دفعہ 10 (اے ) کے تحت یہ کارروائی کی گئی ہے۔

وزارت خارجہ نے نیرو مودی اور میهول چوکسی دونوں سے ایک ہفتہ میں اس بات کا جواب مانگا ہے کہ ان کے پاسپورٹ مستقل طور پر کیوں نہ منسوخ کر دئے جائیں۔وزارت نے کہا ہے کہ اگر ان دونوں کی جانب سے مقررہ مدت میں کوئی جواب نہیں دیا جاتا ہے تو یہ سمجھا جائے گا کہ ان کے پاس اس صورت میں اپنی صفائی میں کہنے کے لئے کچھ نہیں ہے۔ اس کے بعد پاسپورٹ ایکٹ کی دفعہ 10 (3) (سی) کے تحت ان کے پاسپورٹ مستقل طور پر منسوخ کر دئے جائیں گے۔

قابل ذکر ہے کہ نیرو مودی اور میهول چوکسی پر پنجاب نیشنل بینک میں دھوکہ دہی کی بنیاد پر 11 ہزار کروڑ روپیے کے لین دین کرنے کا الزام ہے۔ دھوکہ دہی کے انکشاف سے پہلے ہی یہ دونوں ملک چھوڑ کر بھاگ گئے تھے۔

First published: Feb 16, 2018 05:58 PM IST