جنسی استحصال کے الزامات سے گھرے ایم جے اکبر کی وطن واپسی، کہا- الزامات پر بعد میں دوں گا جواب

مرکزی وزیر مملکت ایم جے اکبر پر 10 صحافیوں نے جنسی استحصال کا الزام لگایا ہے۔ جس کے بعد ان کے استعفی کا مطالبہ کیا جا رہا ہے۔  اتوار کی صبح نائیجیریا کے دورے سے وہ وطن واپس لوٹ آئے ہیں۔ ان کی وطن واپسی ہوتے ہی جب صحافیوں نے ان پر لگے الزامات سے متعلق سوال کیا تو انہوں نے کہا کہ وہ اس کا جواب بعد میں دیں گے۔ ایسا کہا جا رہا ہے کہ مرکزی وزیر مملکت ایم جے اکبر کے بیان کے بعد بی جے پی ان پر کوئی کاروائی کر سکتی ہے۔
ہیش ٹیگ’ می ٹو‘مہم كے تحت ان پر کئی خواتین صحافیوں نے جنسی استحصال کے الزام لگائے ہیں جس سے ان کی کرسی پر خطرہ منڈلا رہا ہے۔ ان کے ساتھ بطور انٹرن کام کر چکی ایک ٹیلی ویژن چینل کی صحافی کے الزام کے بعد ان پر دباؤ اور بھی بڑھ گیا ہے۔
بھارتیہ جنتا پارٹی نے فی الحال اس معاملہ پر خاموشی اختیار کر رکھی ہے۔ کئی خواتین تنظیموں نے وزیر اعظم نریندر مودی اور پارٹی صدر امت شاہ سے ایم جے اکبر کو عہدہ سے ہٹائے جانے کا مطالبہ کیا ہے۔

Minister of State (MoS) for External Affairs MJ Akbar, who arrived in India today morning refrained from speaking on sexual misconduct allegations levelled against him while saying that he will issue a statement on the matter later on

Read @ANI Story | https://t.co/0hIkEWD0h6 pic.twitter.com/luOgbAVIiD

— ANI Digital (@ani_digital) October 14, 2018

نیوز 18 اور یو این آئی کے ان پٹ کے ساتھ