پولیس کے زیر حراست ایک شخص کی موت، پولیس اور آر ایس ایس پر خاندان نے لگایا الزام

مدھیہ پردیش کے ضلع گونا میں 21 نومبر کو ایک شخص کی پولیس حراست میں موت ہو گئی۔ متوفی کی شناخت 30 سالہ اسرائیل خان کے طور پر کی گئی ہے، جس نے 19 نومبر کو بھوپال میں ہونے والے عالمی تبلیغی اجتماع میں شرکت کی تھی۔ یہ تقریب 18 سے 21 نومبر کے درمیان منعقد ہوئی تھی۔

مکتوب میڈیا کے مطابق اسرائیل خان بھوپال-گوالیار انٹرسٹی ٹرین لے کر گونا میں اترے۔ جب متاثرہ شخص ایک آٹو گھر لے گیا، تو مبینہ طور پر اسے پولیس نے روکا اور حراست میں لے لیا۔ خان کے چچا اسلم خان نے مکتوب میڈیا سے بات چیت کے دوارن کہا کہ اسے خوشمودا تھانے میں حراست میں لیا گیا، جب اس کے والد منور خان تھانے پہنچے تو مقتول کو مارا پیٹا جا رہا تھا۔

اسلم نے الزام لگایا کہ سات افراد بشمول رویندر سولنکی، شیوکمار رگھوونشی، پران سنگھ، لکھن جاٹاو اور پولیس کے تین ایجنٹ نے ان کے بھتیجے کو مارا۔ ان میں دو کا نام صدام اور شیطان ہے، ان کا تعلق راشٹریہ سویم سیوک سنگھ سے بتایا گیا ہے۔ تیسرے ایجنٹ کی شناخت چیتن کے نام سے ہوئی ہے۔

یہ بھی پڑھیں: 

• پاکستان کو ادا کرنا ہوگا 1 ارب ڈالر کا قرض، اس 'جگاڑ' کے ذریعے دے گا پیسہ


• T20 World Cup کے بعد بی سی سی آئی ایکشن میں، سلیکٹرس کی چھٹی کے بعد اٹھایا ایک اور بڑا قدم


• مساجد کےاماموں کی تنخواہوں کامعاملہ:سپریم کورٹ کےفیصلےکو انفارمیشن کمیشن نےکیوں بتایا غلط؟


• یوم آئن کی تقریب میں بولے پی ایم مودی، آج دنیا ہندوستان کو امیدوں سے دیکھ رہی ہے

متوفی کے والد کا کہنا ہے کہ پولیس اہلکاروں نے انہیں فون کرکے بتایا کہ خان بیہوش ہونے کا ڈرامہ کررہا ہے، اس لیے انہیں سرکاری اسپتال منتقل کیا جارہا ہے۔